پشاور، اسلام آباد سے سرقہ ہونے والی گاڑی برآمد ،ملزم گرفتار

جمعرات 20 جنوری 2022 00:44

پشاور(اُردو پوائنٹ اخبارتازہ ترین - آن لائن۔ 19 جنوری2022ء) تھانہ غربی پولیس نے بین الصوبائی موٹر کار چور گروہ سے تعلق رکھنے والے ملزم کو گرفتار کرلیا، ملزم کا تعلق چارسدہ روڈ کے علاقہ سے ہے جس کے قبضہ سے اسلام آباد سے چوری ہونے والی گاڑی بھی برآمد کر لی گئی ہے، ملزم نے ابتدائی تفتیش کے دوران مسروقہ گاڑیوں کا لین دین کرنے کا اعتراف کر لیا ہے جس نے دوران تفتیش دیگر ساتھیوں کی بھی نشاندہی کی ہے، ملزم کے خلاف مقدمہ درج کر کے تفتیش شروع کر دی گئی ہے ۔

(جاری ہے)

تفصیلات کے مطابق تھانہ غربی پولیس کو اطلاع ملی تھی کہ غربی کی حدود میں ایک مشکوک شخص موجود ہے جس پر ایس ایچ او تھانہ غربی حشمت خان نے فوری کارروائی کرتے ہوئے ملزم وہاب علی ولد ذوالفقار علی کو حراست میں لے کر اس سے اسلام آباد سے سرقہ ہونے والی گاڑی بھی برآمد کر لی ہے، ملزم نے دوران تفتیش مسروقہ گاڑیوں کا لین دین کرنے کا انکشاف کیا ہے جس کے خلاف مقدمہ درج کر کے تفتیش شروع کر دی گئی ہے، گاڑی برآمدگی سے متعلق اسلام آباد پولیس کو مطلع کر دیا گیا ہے