مولانا فضل الرحمان بلوچستان میں آئندہ حکومت سازی کیلئے متحرک

نواب اسلم رئیسانی نے مولانا فضل الرحمان کی جانب سے پارٹی میں شمولیت کی دعوت کو قبول کرلیا نواب اسلم رئیسانی آئندہ چند روز میں بلوچستان میں بڑا جلسہ کرکے جے یوآئی میں شامل ہوں گے نواب صاحب آ پ کی شمولیت سے جے یوآئی بلوچستان میں مزید مضبوط ہوگی، مولانا فضل الرحمن کی گفتگو

جمعرات 20 جنوری 2022 23:00

مولانا فضل الرحمان بلوچستان میں آئندہ حکومت سازی کیلئے متحرک

اسلام آباد (اُردو پوائنٹ اخبارتازہ ترین - این این آئی۔ 20 جنوری2022ء) جے یو آئی کے سربراہ مولانا فضل الرحمان بلوچستان میں آئندہ حکومت سازی کیلئے متحرک ہوگئے ،مولانا فضل الرحمان سے سابق وزیراعلی نواب اسلم رئیسانی نے ملاقات کی جس میں مولانا عبدالغفورحیدری، مولانا عبدالواسع، آغا محمود شاہ، کامران مرتضیٰ ، اپوزیشن لیڈر کے پی کے اسمبلی اکرم خان درانی ایم این اے مولانا کمال الدین بھی شریک تھے ۔

(جاری ہے)

سابق وزیراعلی نواب اسلم رئیسانی نے مولانا فضل الرحمان کی جانب سے پارٹی میں شمولیت کی دعوت کو قبول کرلیا،نواب اسلم رئیسانی آئندہ چند روز میں بلوچستان میں بڑا جلسہ کرکے جے یوآئی میں شامل ہوں گے ۔ اسلم رئیسانی نے کاہکہ بلوچستان میں آئندہ جے یوآئی حکومت بنائے گی، جے یوآئی بلوچستان کی بڑی سیاسی جماعت بن گئی ہے۔ مولانا فضل الرحمن نے کہاکہ لوگ نا اہل حکمرانوں سے تنگ آچکے ہیں، نواب صاحب آ پ کی شمولیت سے جے یوآئی بلوچستان میں مزید مضبوط ہوگی