Live Updates

پاکستانی سوشل میڈیا صارفین کا جمائما سے پاکستان آنے کا مطالبہ

میری باقی کی پوری زندگی میں ایسے ہی کمنٹ آئیں گے، جمائما کا ٹوئٹر پر جواب

بدھ 26 جنوری 2022 19:05

پاکستانی سوشل میڈیا صارفین کا جمائما سے پاکستان آنے کا مطالبہ

لندن(اُردو پوائنٹ اخبارتازہ ترین - این این آئی۔ 26 جنوری2022ء) جمائما گولڈ سمتھ 2004 میں وزیراعظم عمران خان سے الگ ہونے کے بعد برطانیہ میں مقیم ہیں، لیکن وہ آج تک پاکستانیوں کے دلوں سے نہیں نکل سکیں۔ایک بار پھر کسی نے جمائما سے پاکستان واپس آنے کا مطالبہ کر دیا، جس پر جمائما بھی بولے بغیر نہ رہ سکیں۔

(جاری ہے)

میڈیارپورٹس کے مطابق ٹوئٹر پر جمائما نے آن لائن گیم ورڈلی کی پوسٹ کی، جس پر ایک پاکستانی صارف نے ان سے گزارش کی کہ وہ پاکستان واپس آجائیں کیونکہ عمران خان اپنے بیوقوف دوستوں میں پھنس چکے ہیں۔

جس پر ایک دوسرے صارف نے تبصرہ کیا کہ ورڈلی گیم والوں نے ایسا کبھی نہیں سوچا ہوگا، کہ ان کی گیم پوسٹ پر ایسا بھی کمنٹ آسکتا ہے۔ جس کا اسکرین شارٹ جمائما نے خود شئیر کرتے ہوئے تبصرہ کیا۔انہوں نے لکھا کہ میری باقی کی پوری زندگی میں ایسے ہی کمنٹ آئیں گے، ساتھ ہی انہوں نے پاکستان زندہ آباد لکھا اور دل بھی بنایا۔ایک صارف نے لکھا کہ اس سے پتہ چلتا ہے کہ پاکستانی عوام کتنے سادہ ہیں اور وہ آج تک جمائما سے کتنی محبت کرتے ہیں۔