اسرائیل نے بیت المقدس میں چھ فلسطینی اسکولوں کے لائسنس منسوخ کر دئیے

فلسطینی نصاب میں زبردستی تبدیلی کی کوشش شہر میں موجود فلسطینی اسکولوں کی فلسطینی ۔عرب شناخت کے خلاف اعلان جنگ کے مترادف ہے،ذرائع

جمعہ 29 جولائی 2022 17:39

مقبوضہ بیت المقدس (اُردو پوائنٹ اخبارتازہ ترین - این این آئی۔ 29 جولائی2022ء) قابض اسرائیلی حکام نے بیت المقدس کے چھ فلسطینی اسکولوں کو یہ کہہ کر بند کرنے کا حکم دیا ہے کہ یہ اسکول اسرائیلی نصاب کی پیروی کے بجائیایسا نصاب پڑھاتے ہیں جس میں اسرائیل کے خلاف نفرت پر اکسایا جاتا ہے۔میڈیارپورٹس کے مطابق پریس ذرائع نے بتایا کہ جن اسکولوں کے لائسنس واپس لیے گئے ہیں ان میں پانچ اسکول ہیں جن کی پانچ شاخیں بیت حنینہ قصبے میں ہیں اور ابراہیمیہ کالج اسکول السوانہ محلے میں ہیں۔

اسرائیلی وزارت تعلیم نے جن اسباق میں اشتعال انگیزی کا کہا ہے وہ فلسطینی ہلال احمر، قیدیوں اور سابق قیدیوں کے امور کمیشن، پرائمری اسکول کی تیسری جماعت کے لیے قومی اور سماجی پرورش کی کتاب میں شامل مضامین ہیں۔

(جاری ہے)

ادھر فلسطینی القدس امور کی وزارت نے قابض حکام کی جانب سے مقبوضہ بیت المقدس کے اسکولوں پراسرائیلی نصاب کو طاقت کے ذریعے مسلط کرنے کی کوششوں سے خبردار کیا ہے۔

اپنے جاری کردہ ایک بیان میں فلسطینی وزارت برائے القدس امور نے اسرائیلی حکومت، اسکولوں، طلبا اور والدین کو اسرائیلی نصاب کو قبول کرنے پر قائل کرنے میں ناکامی کے بعد اب اسے زبردستی مسلط کرنے یا کم از کم نصاب کو اپنانے کی کوشش کے لیے دباو قرار دیا ۔القدس امورکی وزارت نے مقبوضہ بیت المقدس میں خانگی تعلیم کے لیے تمام اسرائیلی کوششوں کو مسترد کرنے اور اسکولوں کے خلاف قابض ریاست کی طرف سے اسکولوں کے خلاف بڑھتے ہوئے دبا کو مسترد کیا ہے۔

فلسطینی وزارت القدس امور نے اسرائیلی حکومت سے مطالبہ کیا کہ وہ اسکولوں کے لائسنس منسوخ کرنے کا فیصلہ واپس لے۔بیان میں کہا گیا ہے کہ فلسطینی نصاب میں زبردستی تبدیلی کی کوشش شہر میں موجود فلسطینی اسکولوں کی فلسطینی ۔عرب شناخت کے خلاف اعلان جنگ کے مترادف ہے۔