Live Updates

ایئر انڈیا کا جیٹ ایندھن کی قیمتوں میں اضافے کے باعث جولائی تک بین الاقوامی پروازوں میں کمی کا اعلان

جیٹ ایندھن کی قیمتوں میں اضافے کے باعث بھارت کی سب سے بڑی ائیرلائن ائیر انڈیا ڈومیسٹک پروازوں کی تعداد میں بھی کمی کرے گی

محمد علی ہفتہ 2 مئی 2026 21:13

نئی دہلی (اُردو پوائنٹ اخبارتازہ ترین۔ 02 مئی 2026ء) ایئر انڈیا کا جیٹ ایندھن کی قیمتوں میں اضافے کے باعث جولائی تک بین الاقوامی پروازوں میں کمی کا اعلان، جیٹ ایندھن کی قیمتوں میں اضافے کے باعث بھارت کی سب سے بڑی ائیرلائن ائیر انڈیا ڈومیسٹک پروازوں کی تعداد میں بھی کمی کرے گی۔

Air India To Cut International Flights Till July Amid Jet Fuel Price Surge pic.twitter.com/HCbcdgJIOd
— NDTV (@ndtv) May 2, 2026

بھارتی میڈیا کے مطابق ایئر انڈیا ایندھن کی بڑھتی ہوئی قیمتوں کے باعث اپنے فلائٹ شیڈول میں کمی کر رہا ہے، جس کے تحت مقامی اور بین الاقوامی دونوں روٹس پر روزانہ 100 پروازیں کم کی جا رہی ہیں۔

یہ کٹوتیاں ایندھن کی زیادہ قیمتوں کے ردعمل میں صنعت کے وسیع تر رجحان کا حصہ ہیں۔ این ڈی ٹی وی کے مطابق ایئر انڈیا کی جانب سے جیٹ ایندھن کی قیمتوں میں اضافے کے باعث جون اور جولائی کے ماہ میں بین الاقوامی پروازوں میں کمی کرے گی۔

(جاری ہے)

بھارتی میڈیا کے مطابق ائیر انڈیا کو مالی سال 2026 کے دوران 22 ہزار کروڑ روپے کا نقصان ہوا۔ یہ نقصان پاکستان کی جانب سے ائیر اسپیس بند کرنے اور جیٹ ایندھن کی قیمتوں میں غیر معمولی اضافے کے باعث ہوا۔

ائیرلائن حکام کے مطابق جیت فیول کی قیمتوں میں غیر معمولی اضافے کے باعث کئی بین الاقوامی روٹس غیر منافع بخش ہو چکے۔ اس صورتحال میں غیر منافع بخش روٹس پر پروازوں کی تعداد کو کم کیا جا رہا ہے۔ اس سے قبل پریس ٹرسٹ آف انڈیا کی ایک رپورٹ میں بتایا گیا کہ ایئر انڈیا، انڈیگو اور اسپائس جیٹ، جو بھارت کی ہوا بازی کی مارکیٹ کے 95 فیصد حصے کو کنٹرول کرتی ہیں، نے مودی حکومت کو بتایا ہے کہ ایئر لائن انڈسٹری "آپریشنز بند ہونے" کے دہانے پر ہے۔

جنگ اور آبنائے ہرمز کی تقریباً مکمل بندش نے بھارت میں تیل کی قیمتوں میں اضافہ کر دیا ہے، جو دنیا کی پانچویں بڑی ہوا بازی کی مارکیٹ ہے۔ اس کے ساتھ ساتھ، فضائی حدود کی پابندیوں نے ایئر لائنز کے آپریٹنگ اخراجات میں اضافہ کر دیا ہے، خاص طور پر طویل فاصلے کے روٹس پر۔ ایئر لائنز نے ایوی ایشن ٹربائن فیول کی قیمتوں پر نظر ثانی کا مطالبہ کیا ہے، جو کسی بھی کیریئر کے آپریشنل اخراجات کا تقریباً 40 فیصد ہوتا ہے۔ اسی دوران، فیڈریشن آف انڈین ایئر لائنز نے شہری ہوا بازی کی وزارت سے کہا ہے کہ وہ ایندھن کی قیمتوں کے طریقہ کار کو ملکی اور بین الاقوامی دونوں آپریشنز تک توسیع دے۔