اسلام آباد (اُردو پوائنٹ اخبارتازہ ترین - اے پی پی۔ 06 اگست2022ء)
امریکی امدادی ادارہ
(یو ایس ایڈ) کی مالی اعانت سے چلنے والےہائر ایجوکیشن سسٹم کے استحکام کی سرگرمی (ایچ ای ایس ایس اے)نے تین روزہ سالانہ صلاحیت سازی اور علم کے اشتراک کے سربراہ اجلاس کا انعقاد کیا۔ اس اجلاس کا اہتمام ایچ ای ایس ایس اے کی 15 شراکت دار جامعات کے نمائندوں کو اکٹھا کرنے کے لیے کیا گیا تھا تاکہ ان کے متعلقہ اداروں میں طلبا کی معاونت کی خدمات کے ڈھانچے اور طریقہ
کار کو مضبوط کیا جا سکے۔
ایچ ای ایس ایس اے
یو ایس ایڈ کی مالی اعانت سے چلنے والا ایک پراجیکٹ ہے جو
پاکستان کے اعلی تعلیمی نظام کو بہتر بنانے کے لیے حکومت
پاکستان کی شراکت سے شروع کیا گیا ہے تاکہ یونیورسٹی سے فارغ التحصیل طلبا کے روزگار کی صلاحیتوں میں اضافہ کیا جا سکے۔
(جاری ہے)
افتتاحی سیشن میں این فلیکر، ڈائریکٹر ایجوکیشن آفس، یو ایس ایڈ، کوہسار یونیورسٹی مری کے وائس چانسلر ڈاکٹر حبیب علی بخاری، پاکستان انسٹی ٹیوٹ آف ڈویلپمنٹ اکنامکس (پائیڈ) کے وائس چانسل ڈاکٹر ندیم الحق کلیدی مقرر تھے۔
سربراہی اجلاس، جس میں ایچ ای ایس ایس اے کے طلبا کی معاونت کی خدمات کے اقدام کے آغاز کا مظہر ہے،
پاکستان کے تمام صوبوں کی نمائندگی کرنے والی پارٹنر یونیورسٹیوں کے 80 سے زائد نمائندوں نے اس سربراہ اجلاس میں شرکت کی۔ ڈین، ڈائریکٹرز، مینیجرز، فیکلٹی ممبران، اور انتظامی افسران پر مشتمل گروپ تشکیل دیئے گئے جو طلبا کی معاونت کی خدمات کے ساتھ ساتھ ان کی متعلقہ یونیورسٹیوں میں
تعلیم کے ، مالی امداد، کیریئر کی تیاری، طلبا کی قیادت اور شریک نصاب؛ سابق طلبا کی مصروفیت اور ترقی؛ طالب علم انٹرپرینیورشپ؛ اور دماغی صحت اور نفسیاتی بہبود کے معاملات کے چھ موضوعات میں سے ہر ایک منظم کرتے ہیں۔
کلیدی کلمات اداکرتے ہوئیپائیڈ کے وائس چانسلر
ڈاکٹر ندیم الحق نے نظام میں تبدیلی کی ضرورت پر روشنی ڈالی، جس میں طلبا کو روایتی کلاس روم سیکھنے تک محدود رکھنے کی بجائے ان کی اختراعی صلاحیتوں کو اجاگر کرنے کے لیے بااختیار بنانے پر توجہ دی جا سکے۔ انہوں نے اعلیٰ تعلیمی ماحولیاتی نظام کی بہتری کے لیے ایچ ای ایس ایس ایاقدام اور اس کے تحت کی گئی کوششوں کو سراہا اور کہا کہ بہترین یونیورسٹی وہ ہے جو آپ کو سوچنے، ترقی کرنے اور اختراع کرنے کی صلاحیت دیتی ہے، محض کتابی
تعلیم سے یہ سب کچھ حاصل نہیں ہو سکتا۔
ڈاکٹر بخاری نے روزگار کے قابل افرادی قوت پیدا کرنے کے لیے صنعت کے ساتھ روابط پیدا کرنے کی ضرورت پر زور دیا۔ انہوں نے مزید کہا کہ ہمیں ہنر مند اور روزگار کے قابل نوجوان پیدا کرنے کے لیے صنعت اور یونیورسٹی کے درمیان فرق کو ختم کرنے کی ضرورت ہے، اور یہ تب ہی ہو سکتا ہے جب اساتذہ، ٹرینرز اور ماسٹر ٹرینرز کو علم اور عملی معلومات تک رسائی حاصل ہو ۔
وزیراعظم کی معاون خصوصی برائے امور نوجوانان شزہ فاطمہ خواجہ نے حکومت
پاکستان کی جانب سے ویڈیو لنک کے ذریعے شرکا سے خطاب کیا۔ انہوں نے وزیر اعظم کی
قرضہ اسکیموں، ہنر مند پروگرام اور لیپ ٹاپ اسکیموں کے ذریعے ہنر مند افرادی قوت پیدا کرنے کے حکومتی اقدامات پر روشنی ڈالی۔ یونیورسٹی اور انسٹی ٹیوٹ آف انٹرنیشنل ایجوکیشن کے
امریکہ میں مقیم ریسورس پرسنز یوٹاہ نے اس سمٹ کے انعقاد مین تعاون فراہم کیا جس میں چھ موضوعاتی شعبوں کے نتائج کو عام کرنے کے ساتھ گفتگو کا آغاز کیا اورحال ہی میں
پاکستان بھر کے ساتھ ساتھ ایچ ای ایس ایس اے کی 15 پارٹنر یونیورسٹیوں میں طلبا کی معاونت کی خدمات کے بارے میں ضروریات کا جائزہ لیا۔
جس کے بعد، شرکا پراجیکٹ کے حوالے سے اپنے اداروں کے لیے اسٹریٹجک منصوبے اور اقدامات تیار کریں گے۔ایچ ای ایس ایس اے پراجیکٹ طالب علموں کو یونیورسٹیوں میں اپنے وقت کے دوران اور بعد میں دستیاب معاون خدمات کو بڑھانا چاہتا ہے۔ یہ یونیورسٹی کے عملے کے ساتھ ایسے اقدامات تیار کرنے اور ان پر عمل
درآمد کرنے کے لیے کام کر رہا ہے جو طالب علم کی بہتر
ملازمت کے لیے آسان مہارتوں کو فروغ دیں گے، مالی امداد اور اسکالرشپس تک طلبہ کی رسائی کوبہتر بنائیں گے، کیمپس میں مصروفیت کی خدمات کو مضبوط کریں گے جیسے کیریئر سپورٹ، نیٹ ورک کو بڑھانا اور طلبہ کی ترقی کی سرگرمیوں کے ساتھ کمیونٹی کی شمولیت، سابق طلبا کی معاونت کی خدمات اور طلبا کی انٹرپرینیورشپ کے لیے ایک قابل ماحول کو فروغ دینے کے اقدامات شامل ہیں۔
اجلاس کا اختتام پر شرکا کو سرٹیفکیٹ تقسیم کئے گئے۔
