کرونا وائرس ،11 مریض جاں بحق ہو گئے،624 افراد میں کورونا وائرس کی تصدیق

جمعہ 12 اگست 2022 23:00

اسلام آباد (اُردو پوائنٹ اخبارتازہ ترین - این این آئی۔ 12 اگست2022ء) پاکستان میں کورونا وائرس کے کیسز میں مسلسل اضافہ ہونے لگا، گزشتہ 24 گھنٹوں کے دوران اس موذی وباء کے باعث 11 مریض جاں بحق ہو گئے۔ملک کورونا مریضوں کے حوالے سے مرتب کی گئی فہرست میں 52 ویں نمبر پر موجود ہے،گزشتہ 24 گھنٹوں کے دوران کورونا کیسز کی شرح 3 اعشاریہ 83 فیصد ریکارڈ کی گئی۔

(جاری ہے)

پاکستان میں گزشتہ 24 گھنٹوں کے دوران مزید 624 افراد میں کورونا وائرس کی تصدیق ہوئی ہے۔کورونا وائرس کے زیرِ علاج مریضوں میں سے 142 کی حالت تشویش ناک ہے۔پاکستان بھر میں اب تک 30 ہزار 520 کورونا وائرس کے مریض انتقال کر چکے ہیں جبکہ اس کے کٴْل مریضوں کی تعداد 15 لاکھ 61 ہزار 579 ہو چکی ہے۔گزشتہ 24 گھنٹوں میں ملک میں کورونا وائرس کے مزید 16 ہزار 299 ٹیسٹ کیے گئے، جبکہ اب تک کٴْل 2 کروڑ 97 لاکھ 92 ہزار 91 کورونا ٹیسٹ کیے جا چکے ہیں۔