احتساب عدالتوں میں زیر سماعت ہائی پروفائل کیسز کے التواء کا خدشہ ،احتساب عدالت اسلام آباد کے دو ججز کی مدت مکمل

چیف جسٹس اسلام آباد ہائی کورٹ نے جج احتساب عدالت نمبر تین اصغر علی کی خدمات لاہور ہائی کورٹ کو واپس کر دیں

جمعرات 17 نومبر 2022 18:45

اسلام آباد (اُردو پوائنٹ اخبارتازہ ترین - این این آئی۔ 17 نومبر2022ء) احتساب عدالتوں میں زیر سماعت ہائی پروفائل کیسز کے التواء کا خدشہ ،احتساب عدالت اسلام آباد کے دو ججز کی مدت مکمل ہوگئی ،چیف جسٹس اسلام آباد ہائی کورٹ نے جج احتساب عدالت نمبر تین اصغر علی کی خدمات لاہور ہائی کورٹ کو واپس کر دیں۔

(جاری ہے)

میڈیا رپورٹ کے مطابق دونوں ججز کی مدت مکمل ہونے کے بعد زیر سماعت کیس التواء کا شکار ہوجائیں گے،احتساب عدالتوں میں آصف علی زرداری ، یوسف رضا گیلانی نواز شریف کے خلاف توشہ خانہ کیس زیر سماعت ہے ،شاہد خاقان عباسی، مفتاح اسماعیل، مراد علی شاہ کے کیس بھی زیر سماعت ہیں، جج اصغر علی ڈیپوٹیشن پر اسلام آباد میں تعینات تھے جج احتساب عدالت نمبر دو اعظم خان کو اسلام آباد ہائی کورٹ میں او ایس ڈی بنا دیا گیاچیف جسٹس اسلام آباد ہائیکورٹ کی منظوری سے نوٹیفکیشن جاری کر دیا گیا ۔