آئمہ بیگ نے مقامی میگزین پر 10 کروڑ کا ہرجانہ دائر کر دیا

میری بس ہوگئی ہے، میں خود کیلئے اور ان تمام لوگوں کیلئے کھڑی ہوئی ہوں جو ان کا اگلا نشانہ ہوں گے، گلوکارہ

پیر 20 مارچ 2023 18:41

آئمہ بیگ نے مقامی میگزین پر 10 کروڑ کا ہرجانہ دائر کر دیا

کراچی (اُردو پوائنٹ اخبارتازہ ترین - این این آئی۔ 20 مارچ2023ء) پاکستان میوزِک انڈسٹری کی معروف گلوکارہ آئمہ بیگ نے خبر کو غلط انداز میں پیش کرنے پر مقامی میگزین پر 10کروڑ کا ہرجانہ دائر کر دیا۔انسٹاگرام پر انسٹا اسٹوری شیئر کرتے ہوئے گلوکارہ آئمہ بیگ نے سوشل میڈیا صارفین کو ہرجانے سے متعلق آگاہ کرتے ہوئے قانونی دستاویزات کی تصاویر شیئر کی۔

(جاری ہے)

دستاویز کے مطابق گلوکارہ نے مقامی میگزین کو 2دن کا وقت دیتے ہوئے عوامی معافی کا مطالبہ کیا بصورت دیگر 10کروڑ کی ادائیگی کا کہا۔انہوں نے شوبز انڈسٹری میں اپنی ساتھی فنکاروں سے درخواست کی کہ وہ اس جعلی رپورٹنگ کے خلاف ان کا ساتھ دیں۔آئمہ بیگ نے کہا کہ میری بس ہوگئی ہے، میں خود کے لئے اور ان تمام لوگوں کے لئے کھڑی ہوئی ہوں جو ان کا اگلا نشانہ ہوں گے۔