شیریں مزاری کی گرفتاری پرتوہین عدالت کیس : آئی جی اسلام آباد پولیس نے تحریری جواب اسلام آباد ہائیکورٹ میں جمع کرادیا،

بدھ 31 مئی 2023 21:44

اسلام آباد(اُردو پوائنٹ اخبارتازہ ترین - آن لائن۔ 31 مئی2023ء) شیریں مزاری کی گرفتاری پر توہین عدالت کیس میں آئی جی اسلام آباد پولیس نے تحریری جواب اسلام آباد ہائیکورٹ میں جمع کرادیا، عدالت نے درخواست گزار ایمان مزاری سے آئندہ سماعت پر دلائل طلب کرلیے۔

(جاری ہے)

تفصیلات کے مطابق اسلام آباد ہائیکورٹ کے جسٹس میاں گل حسن اورنگزیب نے عدالتی حکم کے باوجود شیریں مزاری گرفتاری سے متعلق آئی جی اسلام آباد کے خلاف توہین عدالت کیس کی سماعت کی۔

آئی جی پولیس اسلام آباد اکبر ناصر اور درخواست گزار ایمان مزاری عدالت میں پیش ہوئے۔آئی جی اسلام آباد کی جانب سے تحریری جواب عدالت میں جمع کرایا گیا۔ عدالت نے جواب کی نقل درخواست گزار کو دینے کی ہدایت کردی۔عدالت نے ریمارکس دیے کہ آئندہ سماعت پر جواب پڑھ کر دلائل دیں۔ بعدازاں کیس کی سماعت 15 جون تک ملتوی کردی۔۔۔۔۔۔۔