شاہ سلمان کی دعوت پرایرانی صدر کی آمد کے منتظرہیں، سعودی وزیرخارجہ

سعودی وزیر خارجہ سے بات چیت کامیاب رہی، ملاقات میں وسیع بنیادوں پر مختلف مسائل پر گفتگو ہوئی،ایرانی وزیرخارجہ

جمعہ 18 اگست 2023 14:44

شاہ سلمان کی دعوت پرایرانی صدر کی آمد کے منتظرہیں، سعودی وزیرخارجہ

ریاض(اُردو پوائنٹ اخبارتازہ ترین - این این آئی۔ 18 اگست2023ء) سعودی وزیر خارجہ فیصل بن فرحان نے کہاہے کہ شاہ سلمان کی دعوت پر ایرانی صدر ابراہیم رئیسی کی آمد کے منتظر ہیں۔ایرانی وزیر خارجہ حسین امیر عبداللہیان کے ساتھ ریاض میں ملاقات کے بعد مشترکہ پریس کانفرنس کرتے ہوئے سعودی وزیر خارجہ نے کہا کہ سعودی عرب اور ایران مشترکہ مفادات پر کام کرنے کیلئے تیار ہیں۔

(جاری ہے)

ان کا کہنا تھا کہ اسلامی بھائی چارے کی بنیاد پر سعودی ایران تعلقات کے نئے دور کو دیکھ رہے ہیں۔اس موقع پر ایرانی وزیر خارجہ نے کہا کہ سعودی عرب اور ایران کے تعلقات درست راستے پر ہیں، ہم سعودی عرب ایران تعلقات میں پیشرفت کا مشاہدہ کر رہے ہیں۔ان کا کہنا تھا کہ سعودی وزیر خارجہ سے بات چیت کامیاب رہی، ملاقات میں وسیع بنیادوں پر مختلف مسائل پر گفتگو ہوئی۔