cپی ایچ اے نے مال روڈ کی تزئین و آرائش شروع کر دی

اتوار 1 اکتوبر 2023 18:20

#لاہور (اُردو پوائنٹ اخبارتازہ ترین - آن لائن۔ 01 اکتوبر2023ء) پارکس اینڈ ہارٹی کلچر اتھارٹی لاہور نے شاہراہِ قائداعظم کی تزئین و آرائش شروع کر دی ہے۔ جاری ایک بیان میں پی ایچ اے کے ترجمان نے بتایا کہ شاہراہِ قائداعظم کے فیصل چوک تا میاں میر پُل کے چھ کلومیٹر لمبے اور تیس فٹ چوڑے حصہ کی اطراف میں نئی گھاس لگائی گئی ہے تا کہ اس کے قدرتی حسن کو برقرار رکھا جا سکے۔

(جاری ہے)

اس کے ساتھ ساتھ شاہراہِ قائداعظم پر نئے درخت اور خوب صورت پھولوں کے پودے بھی لگائے جائیں گے جس سے شہریوں کو فطرت سے ہم آہنگ ماحول دیکھنے کو ملے گا۔ ترجمان نے مزید بتایا کہ پی ایچ اے کی جانب سے کلب چوک تا انارکلی بازار چوک کے حصے میں ملتانی ٹائل کی طرز پر بنے پلانٹرز رکھے جائیں گے جن میں خوب صورت پودے لگے ہوں گے۔دریں اثنا پی ایچ اے نے گلبرگ میں چار ایکڑ پر محیط کمرشل نرسری قائم کرنے کا فیصلہ کیا ہے جس سے شہریوں کو متنوع اقسام کے پودے ایک جگہ پر دستیاب ہوں گے۔

Facebook Twitter Google + Share on Whatsapp

cپی ایچ اے نے مال روڈ کی تزئین و آرائش شروع کر دی

متعلقہ عنوان :

مزید قومی خبریں