بنگلہ دیش اور نیوزی لینڈ کے درمیان دوسرا اور آخری ٹیسٹ میچ 6 دسمبر سے ڈھاکہ میں شروع ہوگا

پیر 4 دسمبر 2023 09:10

ڈھاکہ (اُردو پوائنٹ اخبارتازہ ترین - اے پی پی۔ 04 دسمبر2023ء) بنگلہ دیش اور نیوزی لینڈ کی کرکٹ ٹیموں کے درمیان دو ٹیسٹ میچوں پر مشتمل سیریز کا دوسرا اور آخری میچ 6 دسمبر سے شیر بنگلہ نیشنل کرکٹ سٹیڈیم، ڈھاکہ میں شروع ہوگا۔میزبان مینز ٹیم کو نیوزی لینڈ کی ٹیم کے خلاف دو میچوں کی سیریز میں 0-1 کی برتری حاصل ہے۔

(جاری ہے)

بنگلہ دیش کی ٹیم نے سلہٹ میں کھیلے گئے پہلے ٹیسٹ میچ میں مہمان نیوزی لینڈ کی ٹیم کو 150 رنز سے شکست دی تھی۔

دو ٹیسٹ میچوں کی سیریز میں بنگلہ دیشی ٹیم کو نجم الحسن شانٹو لیڈ کررہے ہیں جبکہ مہمان نیوزی لینڈ ٹیم مایہ ناز فاسٹ بائولر ٹم سائوتھی کی زیر قیادت میدان میں اترے گی۔ دونوں ٹیموں کے درمیان 2 ٹیسٹ میچوں کی سیریز کا دوسرا اور آخری ٹیسٹ میچ 6 سے 10 دسمبر تک شیر بنگلہ نیشنل سٹیڈیم ڈھاکہ میں کھیلا جائے گا۔\932