Live Updates

پاک بھارت کشیدگی، پی سی بی کا تمام ڈومیسٹک ایونٹس ملتوی کرنے کا اعلان

ٹورنامنٹس کو ری شیڈول کرنے سے متعلق اعلان جلد کیا جائے گا، کرکٹ بورڈ

ذیشان مہتاب ہفتہ 10 مئی 2025 12:08

پاک بھارت کشیدگی، پی سی بی کا تمام ڈومیسٹک ایونٹس ملتوی کرنے کا اعلان

لاہور (اردو پوائنٹ تازہ ترین اخبار ۔ 10 مئی 2025ء ) پاکستان کرکٹ بورڈ (پی سی بی) نے ملک میں جاری تمام ڈومیسٹک کرکٹ ٹورنامنٹ کو فوری طور پر ملتوی کرنے کا اعلان کردیا۔

کرکٹ بورڈ کی جانب سے جاری کردہ اعلامیے میں کہا گیا ہے کہ پریذیڈنٹ ٹرافی گریڈ 2، ریجنل انٹرا ڈسٹرکٹ چیلنج کپ، انٹر ڈسٹرکٹ انڈر 19 ون ڈے ٹورنامنٹس کو ملک میں سکیورٹی صورتحال کے باعث فوری طور پر ملتوی کردیا گیا ہے۔

(جاری ہے)

پی سی بی کے مطابق ٹورنامنٹس کو ری شیڈول کرنے سے متعلق اعلان جلد کیا جائے گا جبکہ تمام ایونٹس اسی مرحلے سے دوبارہ شروع ہوں گے۔

قبل ازیں پاکستان کرکٹ بورڈ (پی سی بی) نے پاک بھارت کشیدگی کو دیکھتے ہوئے پی ایس ایل کے 10ویں ایڈیشن کو ملتوی کرنے کا اعلان کیا تھا۔

پاکستان اور بھارت کے درمیان جاری سرحدی صورتحال کے باعث پنجاب اور آزاد جموں و کشمیر کے کچھ حصوں میں فوج کی موجودگی کی اطلاع کے ساتھ کئی اضلاع میں حفاظتی اقدامات کو بڑھا دیا ہے۔