چین نے پاکستان کے ساتھ آزاد تجارتی معاہدے دوم میں نظرثانی پراتفاق کرلیا

چین نے پاکستان سےنئی ترجیحی فہرست مانگ لی، نئی ترجیحی فہرست کے تحت پاکستان کومزید رعایت ملنے کا امکان

دانش احمد انصاری منگل 12 دسمبر 2023 00:04

اسلام آباد (اردوپوائنٹ اخبارتازہ ترین ۔ 11 دسمبر 2023ء) چین نے پاکستان کے ساتھ آزاد تجارتی معاہدے دوم میں نظرثانی پراتفاق کرلیا۔ تفصیلات کے مطابق چین نے پاکستان سےنئی ترجیحی فہرست مانگ لی ہے، جس کے بعد نئی ترجیحی فہرست کے تحت پاکستان کومزید رعایت ملنے کا امکان ہے۔ میڈیا رپورٹس کے مطابق پاک چین تجارتی تعلقات میں اہم پیش رفت سامنے آئی ہے جس کے تحت چینی حکومت نے پاکستان کے ساتھ آزاد تجارتی معاہدے دوم میں نظرثانی پراتفاق کرلیا ہے۔

(جاری ہے)

ذرائع کے مطابق نگران وزیر تجارت گوہراعجاز نے دورہ چین کے دوران آزاد تجارتی معاہدے پر نظرثانی کامطالبہ کیا تھا۔ مزید براں چینی صنعتوں کو پاکستان منتقل کرنے کیلئےورکنگ گروپ قائم کرنے پربھی اتفاق کیا گیا ہے۔ نگران وزیر تجارت نے دورہ چین کے دوران چینی صنعتکاروں کوخصوصی اقتصادی زونز میں سرمایہ کاری تیزکرنےکی دعوت بھی دی اور دونوں ممالک نےتجارتی ڈیٹا میں فرق ختم کرنے پر بھی اتفاق کرلیا۔ واضح رہے کہ پاک چین آزاد تجارتی معاہدہ دوئم پی ٹی آئی کے دور2019 میں ہواتھا پاک چین آزاد تجارتی معاہدے پر اطلاق جنوری2020 سے کیا گیا تھا۔