آپریشن بنیان مرصوص پاک فضائیہ کے پائلٹوں نے دشمن پر حملے سے پہلے اپنے ہاتھوں سے وصیت پر دستخط کئے

اسلام آباد(اردوپوائنٹ اخبار تازہ ترین۔10 مئی 2025)آپریشن بنیان مرصوص میں روانہ ہونے سے قبل پاک فضائیہ کے پائلٹوں نے دشمن پر حملے سے پہلے اپنے ہاتھوں سے وصیت پر دستخط کئے، دشمن کیخلاف محاذ پر جانے سے قبل ان پائلٹوں کے چہروں پر نہ کوئی جھجھک تھی اور نہ ہی کوئی خوف ، پاک فضائیہ کے پائلٹوں نے روانہ ہونے پہلے اپنے ہاتھوں سے تحریرلکھی جس میںلکھا ”یا اللہ، وطن کی عزت سلامت رکھنا۔

اگر ہم واپس نہ آئیں تو ہماری لاشیں پرچم میں لپٹی ہوں!“۔ پائلٹوں نے روانگی سے قبل وطن سے وفا کی قسم اور شہادت کی پرواز کی قسم بھی کھائی ۔آپریشن بنیان مرصوص میں پاک فضائیہ کے ان شاہنوں پر رب ذوالجلال کی رحمت شامل حال رہی اورالحمدللہ، پاک فضائیہ کے تمام شاہین کامیاب مشن مکمل کر کے پٹھان کوٹ، بھٹنڈہ اور سسرام کے ایئربیسز کو تباہ کرنے کے بعد محفوظ واپس لوٹ آئے۔

(جاری ہے)

پائلٹوں کے کامیاب مشن سے لوٹنے پر فضاءنعرہ تکبیر اور اللہ اکبر کے نعرو ں سے گونج اٹھی۔انہی پاک فضائیہ کے بہادر اور جانباز پائلوں کے بارے میں کہاجاتا ہے کہ یہ ہے پاکستانی پائلٹ جو مرنے کے بعد جینا جانتے ہیںاور جو وطن کی فضاوں پر آنچ نہیں آنے دیتے!۔واضح رہے کہ اس سے قبل پاکستان نے بھارت کیخلاف آپریشن بنیان مرصوص میںپاکستان افواج نے کاررروائی کرتے ہوئے بھارت کے پٹھان کوٹ، آدم پورایئربیسز اورادھم پورفیلڈ ایئر، سورت گڑھ ایئر فیلڈ بیلاس کے علاقے براہموس اسٹوریج سائٹ، اڑی میں بریگیڈ ہیڈکوارٹر جی ٹاپ اورسپلائی ڈپو جب کہ راجوڑی میں پاکستان میں دہشت گردی کروانے والا بھارتی ملٹری انٹیلیجینس کا تربیتی مرکز تباہ کردیاتھا۔

آپریشن کے دوران بھارتی علاقے بیاس میں براہموس میزائل کا ڈپو تباہ کردیا گیا، ایئر بیس ادھم پور اور پٹھان کوٹ میں ایئر فیلڈ کو بھی تباہ کر دیا گیا تھا۔ پاکستانی ائیر فورس کے جے ایف 17 تھنڈر کے ہائپر سونک میزائلوں نے آدم پورمیں بھارت کا s-400 سسٹم اورسورت گڑھ ایئر فیلڈ کو بھی مکمل طورپرتباہ کردیا تھا۔ آدم پور ایئر فیلڈ کو بھی نیست و نابود کر دیا گیا تھا۔

آدم پور ایئر فیلڈ سے پاکستان، امرتسر اور افغانستان پر میزائل داغے گئے تھے۔ بھارتی آرٹلری گن پوزیشن دہر نگیاری کو تباہ کر دیا گیا تھا۔پاک فوج نے براہموس اسٹوریج سائٹ نگروٹا کو بھی تباہ کر دیا گیا تھا۔ بھارتی آرٹلری گن پوزیشن دہرنگیاری کوبھی تباہ کردیا گیاتھا۔متعدد اہداف کونشانہ بنایا جا رہا تھا۔ بھارتی پنجاب کے علاقے بھٹنڈہ سے پاکستان پر حملہ کرنے والے بھٹنڈا ایئرفیلڈ کو بھی تباہ کر دیا گیا تھا۔پاکستان کی جوابی کارروائی میں ہلوارا، مامون، اکھنور اور جموں ایئر فیلڈز کو بھی مکمل تباہ کر دیا گیا تھا۔