سائفر کیس ۔۔اعظم خان سائفر بھیجنے والے سابق سفیر اسد مجید سمیت تمام اہم گواہوں نے اپنے بیانات قلمبند کروا دیے

ہفتہ 23 دسمبر 2023 20:40

5اسلام آباد(اُردو پوائنٹ اخبارتازہ ترین - آن لائن۔ 23 دسمبر2023ء) سائفر کیس میں سابق وزیراعظم اور بانی چئیرمین پی ٹی آئی کے پرنسپل سیکریٹری اعظم خان سائفر بھیجنے والے سابق سفیر اسد مجید سمیت تمام اہم گواہوں نے اپنے بیانات قلمبند کروا دیے۔جج ابوالحسنات محمد ذوالقرنین نے اڈیالہ جیل میں سائفر کیس کی اوپن ٹرائل سماعت کی۔۔جس میں اہم گواہوں اعظم خان اور اسد مجید نے اپنے بیانات قلمبند کروائے۔

(جاری ہے)

اس موقع پر کمرہ عدالت میں سابق چیئرمین پی ٹی آئی ،ان کی کی اہلیہ اور بہنیں، شاہ محمود قریشی اور ان کے اہل خانہ بھی موجود تھے۔۔سماعت کے دوران سیکرٹری وزارت داخلہ آفتاب احمد خان، سابقہ ایگزیکٹو مجسٹریٹ آوید ارشاد، اسسٹنٹ سائفر آپریشن نعمان اور سابق سیکرٹری خارجہ سہیل محمود نے بھی اپنے بیانات قلمبند کروائے۔سماعت شروع ہونے سے قبل استغاثہ کے 22 گواہان اڈیالہ جیل پہنچے تھے، جن میں اعظم خان،سہیل محمود،اسد مجید ، شمعون عباس،آفتاب اکبر درانی ، عدنان ارشد، شجاعت، افضل، جاوید، عبدالجبار ، عبید ارشاد بھٹی، فیصل نیاز، نعمان اللہ، ساجدمحمود اور محمد نعمان و دیگر شامل ہیں۔