علی محمد سمیت پی ٹی آئی کے 8 امیدواروں نے کاغذات مسترد ہونے کیخلاف اپیل دائر کردی

تحریک انصاف کے رہنما علی محمد خان نے قومی اسمبلی کے حلقے این اے 23 مردان کیلیے کاغذات جمع کرائے جو آر او نے مسترد کردئیے

پیر 1 جنوری 2024 17:17

پشاور(اُردو پوائنٹ اخبارتازہ ترین - این این آئی۔ 01 جنوری2024ء) پی ٹی آئی رہنما علی محمد خان نے کاغذات نامزدگی مسترد ہونیکے خلاف اپیل دائرکردی۔تحریک انصاف کے رہنما علی محمد خان نے قومی اسمبلی کے حلقے این اے 23 مردان کیلییکاغذات جمع کرائے جو آر او نے مسترد کردیے۔

(جاری ہے)

علی محمد خان سمیت تحریک انصاف کے 8 امیدواروں نیکاغذات مسترد کیے جانے کے خلاف اپیلیں دائر کیں۔

این اے 21 مردان سے پی ٹی آئی کے امیدوار مجاہد خان، پی کی57 سے ظاہر شاہ طورو، پی کے 58 سے عبدالسلام نے اپیل دائر کی ہے۔اس کے علاوہ پی کے 60 سے امیدوار افتخار مشوانی، پی کے 56 سے امیر فرزند خان، این اے 35 کوہاٹ سے آفتاب عالم اور این ای31 ہنگو سے یوسف خان نے اپیل دائر کی۔الیکشن ٹریبونل کے جج جسٹس شکیل احمد اپیلوں پر سماعت کریں گے۔