امریکی اخبار کا ایلون مسک پرمنشیات کے استعمال کا الزام

ایلون مسک کیٹامائن کا استعمال مسلسل کر رہے ہیں،نامعلوم ذرائع

پیر 8 جنوری 2024 17:52

نیویارک(اُردو پوائنٹ اخبارتازہ ترین - این این آئی۔ 08 جنوری2024ء) دنیا کے امیر ترین آدمی ایلون مسک کے بارے میں منشیات کا استعمال کرنے کی خبریں سامنے آنے پر ان کی کمپنی ٹیسلا اور اسپیس ایکس کے ایگزیکٹوز اور بورڈ ممبران تشویش میں مبتلا ہوگئے۔

(جاری ہے)

امریکی اخبار کے مطابق نامعلوم ذرائع سے یہ خبریں سامنے آئی ہیں کہ ایلون مسک کیٹامائن کا استعمال مسلسل کر رہے ہیںحالانکہ خود ایلون مسک نے گزشتہ برس اگست میں اپنے ایک انٹرویو میں یہ بتایا تھا کہ وہ اینٹی ڈپریسنٹ لیتے ہیں جس میں کچھ مخصوص تعداد میں منشیات کا استعمال ہوتا ہے۔رپورٹ میں نجی اجتماعات کے دوران ایلون مسک کے ایل ایس ڈی، کوکین، ایکسٹیسی، اور سائیکڈیلک مشروم کے مبینہ استعمال کے بارے میں بھی انکشاف کیا گیاہے۔