معروف شاعرو مصنف جمیل الدین عالی کا99واں یوم پیدائش 20جنوری کو منایا جائے گا

منگل 16 جنوری 2024 11:52

مکوآنہ (اُردو پوائنٹ اخبارتازہ ترین - این این آئی۔ 16 جنوری2024ء) پاکستان،پاکستان،جیوے پاکستان‘‘۔ معروف شاعرو مصنف جمیل الدین عالی کا99واں یوم پیدائش 20جنوری کو منایا جائے گااس حوالے سے فیصل آباد سمیت ملک بھر کے مختلف شہروں میں خصوصی تقریبات کا اہتمام کیا جائے گا،جن میں جمیل الدین عالی کی قومی خدمات کو خراج عقیدت پیش کیا جائے گا۔جمیل الدین عالی پاکستان کے معروف ملی نغموں پاکستان،پاکستان جیوے پاکستان،اتنے بڑے جیون ساگر میں تو نے پاکستان دیا سمیت معروف ملی نغموں کے خالق تھے۔

(جاری ہے)

وہ پاکستان کے معروف اخبارات میں کئی دہائیوں تک باقاعدگی سے کالم لکھتے رہے جبکہ ان کی لکھی ہو ئی کتابوں میں اے میرے دشت سخن، جیوے جیوے پاکستان، لاحاصل، نئی کرن، دعا کر چلے اور صدا کر چلے شامل ہیں نیز ان کے مشہور سفر ناموں میں دنیا میرے آگے، تماشا میرے آگے، مہر ماہ وطن قابل ذکر ہیں، جمیل الدین عالی 20جنوری 1925ء کو دہلی میں پیدا ہوئے،پاکستان بننے کے فوراً بعد کراچی آگئے اور یہاں مستقل سکونت اختیار کر لی،جمیل الدین عالی بابائے اردو مولوی عبدالحق کے شاگرد اور ابن انشا سے لے کر قدرت اللہ شہاب تک کے رفیق کار رہے،وہ23نومبر 2015ء کو جہان فانی سے رخصت ہو گئے۔