خیبر پختونخوا کے 6 سابق وزراءاعلیٰ انتخابات 2024 کی دوڑ میں شامل ہیں

بدھ 24 جنوری 2024 17:54

پشاور (اُردو پوائنٹ اخبارتازہ ترین - اے پی پی۔ 24 جنوری2024ء) خیبر پختونخوا کے 6 سابق وزراء اعلیٰ انتخابات 2024 کی دوڑ میں شامل ہیں،عام انتخابات میں خیبر پختونخوا کے سابق چھ وزراء اعلیٰ بھی انتخابات 2024 میں حصہ لے رہے ہیں۔

(جاری ہے)

این اے 24 چارسدہ سے سابق وزیر اعلیٰ آفتاب احمد خان شیرپاؤ، این اے 22 مردان سے حیدر خان ہوتی،سردار مہتاب احمد خان عباسی ایبٹ آباد کے حلقہ این اے 6 سے قسمت آزمائی کریں گے۔

اسی طرح سابق وزیراعلیٰ اکرم خان درانی پی کے 100، پرویز خٹک نوشہرہ کے حلقہ این اے 33 اور پی کے 87 اور 88 سے میدان میں ہیں جبکہ سابق وزیر اعلیٰ محمود خان حلقہ این اے 4 سوات سے آنے والے انتخابات میں حصہ لیں گے ۔ دیکھنا یہ ہے کہ 2024 کے عام انتخابات کے بعد وزیر اعلیٰ خیبرپختونخوا کا تاج کس کے سر سجے گا ۔