خیبرپختونخوا میں 8 فروری کو ہونے والے عام انتخابات میں ،6 سابق وزرائے اعلیٰ حصہ لے رہے ہیں

بدھ 24 جنوری 2024 22:45

پشاور (اُردو پوائنٹ اخبارتازہ ترین - اے پی پی۔ 24 جنوری2024ء) خیبر پختونخوا میں 8 فروری کو ہونے والے عام انتخابات میں6 سابق وزرائے اعلیٰ حصہ لے رہے ہیں۔حالیہ انتخابات میں حصہ لینے والے چھ خیبر پختونخوا کے سابق وزراء اعلیٰ میں این اے 24 چارسدہ سے آفتاب احمد خان شیرپاؤ میدان میں اُترے ہیں۔

(جاری ہے)

این اے 22 مردان سے امیر حیدر خان ہوتی قسمت آزمائی کریں گے۔سردار مہتاب احمد خان عباسی ایبٹ آباد کے حلقہ این اے 6 سے قسمت آزمائی کریں گے۔سابق وزیراعلیٰ اکرم خان درانی پی کے 100، پرویز خٹک نوشہرہ کے حلقہ این اے 33 اور پی کے 87 اور 88 سے میدان میں ہیں۔سابق وزیراعلیٰ محمود خان حلقہ این اے 4 سوات سے آنے والے انتخابات میں حصہ لیں گے۔