دھند کے باعث سال کے پہلے 26 دن، 750 پروازیں منسوخ کی گئیں

پی آئی اے کی کویت سٹی سے اسلام آباد کی پرواز کو لاہور اتارا گیا اور دمام سے لاہور کی پرواز کو اسلام آباد موڑدیا گیا

جمعہ 26 جنوری 2024 14:32

اسلام آباد (اُردو پوائنٹ اخبارتازہ ترین - این این آئی۔ 26 جنوری2024ء) ملک میں دھند کی وجہ سے 24 پروازیں منسوخ کردی گئیں اور 4 کو متبادل ائیرپورٹس پر اتارا گیا۔ ایوی ایشن ذرائع کے مطابق دمام سے اسلام آباد اور سیالکوٹ کی پروازیں لاہور منتقل کی گئیں، پی آئی اے کی کویت سٹی سے اسلام آباد کی پرواز کو لاہور اتارا گیا اور دمام سے لاہور کی پرواز کو اسلام آباد موڑدیا گیا۔

(جاری ہے)

ادھر اسلام آباد جدہ کی 2 پروازیں منسوخ کردی گئیں، اسلام آباد دبئی، اسلام آباد سے کراچی کی دو پروازیں، اسلام آباد گلگت کی 4 پروازیں اور کراچی سکھر کے مابین پی آئی اے کی دو پروازیں منسوخ کردی گئیں۔اس کے علاوہ پشاور ابوظبی، دبئی 283 اور کراچی، ملتان اور دبئی کی دو پروازیں، لاہور کراچی کی 4 پروازیں، لاہور ابوظبی کی پرواز منسوخ کی گئی ہے۔دھند کی وجہ سے سال کے پہلے 26 دن میں آج تک 750 پروازیں منسوخ کی جاچکی ہیں ، 180 کو متبادل ائیرپورٹس پر لینڈ کرانا پڑا۔