جیکب آباد، راشد محمود سومرو کل انتخابی جلسہ سے خطاب کریں گے

منگل 30 جنوری 2024 22:07

جیکب آباد(اُردو پوائنٹ اخبارتازہ ترین - آن لائن۔ 30 جنوری2024ء) جے یو آئی کے جنرل سیکریٹری راشد محمود سومر و کل 31 جنوری کو ٹھل میں انتخابی جلسہ سے خطاب کریں گے۔

(جاری ہے)

تفصیلات کے مطابق جمعیت علماء اسلام ضلع جیکب آباد کے امیر ڈاکٹر اے جی انصاری نے اپنے بیان میں کہا ہے کہ جے یو آئی سندھ کے سیکریٹری جنرل راشد محمود سومرو 31 جنوری کو ایک روزہ دورے پر جیکب آباد آرہے ہیں وہ جے یوآئی کے پی ایس 2 کے امیدوار شفیق احمد کھوسو اور اتحادی این اے 190 کے امیدوار سابق وفاقی وزیر محمد میاں سومرو، این اے 191 کے جے یوآئی کے امیدوار شاہزین خان بجارانی اور دیگر کی حمایت میں رہبر چوک ٹھل میں ایک بڑے انتخابی جلسہ عام سے خطاب کریں گے اور مختلف وفود سے ملاقاتیں کریں گے، اس موقع پر علاقے کے معززین، قبائلی شخصیات اور ہزاروں شہری شرکت کریں گے۔