ایڈیشنل کمشنر بنوں ڈویژن بیداللہ شاہ اور سیکرٹری ٹو کمشنر نور الامین شجر کاری مہم 2024 کے تحت پودے لگا کر شجرکاری مہم کا باقاعدہ آغاز کر دیا

بدھ 28 فروری 2024 22:50

پشاور(اُردو پوائنٹ اخبارتازہ ترین - آن لائن۔ 28 فروری2024ء) ایڈیشنل کمشنر بنوں ڈویژن بیداللہ شاہ اور سیکرٹری ٹو کمشنر نور الامین نے بنوں ڈویژن میں شجر کاری مہم 2024 کے تحت کمشنر آفس بنوں میں پودے لگا کر شجرکاری مہم کا باقاعدہ آغاز کر دیا۔ اس موقع پر اسسٹنٹ کمشنر ریوینیو اکرام اللہ خان، اسسٹنٹ کمشنر ڈیویلپمنٹ گل نواز خان اورایس ڈی ایف او بنوں سمیت دیگر اہلکار بھی موجود تھے۔

(جاری ہے)

اس دوران ایڈیشنل کمشنر بنوں ڈویژن بیداللہ شاہ نے کہا کہ شجر کاری موسم کے تغیرات کو روکنے اور فطرتی موسم کو برقرار رکھنے سمیت صدقہ جاریہ ہے۔اس کے علاؤہ موسمیاتی تبدیلیوں سے آنے والی قدرتی آفات کا مقابلہ کرنے کیلئے بھی شجر کاری ایک ناگزیر عمل ہے جس سے ملک میں سبزہ زار ہرے بھرے رہینگے۔ سیکرٹری ٹو کمشنر نور الامین نے کہا کہ ملک بھر کی طرح بنوں ڈویژن میں بھی موسم بہار شجر کاری مہم کا آغاز کردیا گیا ہے جس کے تحت زیادہ سے زیادہ پودے لگائے جائیں گے۔فارسٹ آفیسر نے پودے تقسیم کرنے کے عمل پر متعلقہ فورم کو تفصیلات بھی فراہم کیں۔