السی کاالفالینک مچھلی کے تیل میں موجوداور لینولینک ایسڈ، اومیگا 6بھی دل کے دورہ سے بچاؤ میں مؤثرہے،محکمہ زراعت

منگل 5 مارچ 2024 14:40

فیصل آباد (اُردو پوائنٹ اخبارتازہ ترین - اے پی پی۔ 05 مارچ2024ء) نظامت زرعی اطلاعات محکمہ زراعت نے کاشتکاروں کو رواں ماہ کے دوران السی کی کاشت مکمل کرنے کی ہدایت کی ہے اور کہاہے کہ کاشتکار السی کی کاشت رواں ماہ کے اختتام تک مکمل کرلیں تاکہ اچھی پیداوار کاحصول یقینی ہو سکے۔محکمہ کے ترجمان نے کہاکہ السی کے بیج میں تیل کی مقدار 36سے42 فیصد تک ہوتی ہے۔

انہوں نے بتایاکہ السی موسم گرماکی بہترین فصل ہے جس کا بیج بطور خوراک بھی استعمال کیا جاسکتا ہے نیز اس کا ریشہ کپڑے کی صنعت میں کام آتاہے۔

(جاری ہے)

انہوں نے بتایاکہ السی کابیج تیل وارنش، پینٹ، چھاپہ خانے کی صنعت، چمڑا سازی، صابن کی تیاری میں بھی استعمال ہوتاہے۔ انہوں نے بتایاکہ السی درد کو تحلیل کرنے، بلغمی کھانسی اور موسمی نزلہ و زکام کو دور کرنے میں بھی انتہائی معاون ہے۔ انہوں نے بتایا کہ السی میں الفالینک بھی پایاجاتاہے جو مچھلی کے تیل میں موجود ہوتاہے اسی طرح السی میں لینولینک ایسڈ، اومیگا 6 بھی پایاجاتا ہے جو دل کے دورہ سے بچاؤ میں انتہائی مؤثرہے۔انہوں نے کہاکہ اس ضمن میں مزید معلومات محکمہ زراعت یا ماہرین زراعت سے بھی حاصل کی جاسکتی ہیں۔

Facebook Twitter Google + Share on Whatsapp

السی کاالفالینک مچھلی کے تیل میں موجوداور لینولینک ایسڈ، اومیگا 6بھی دل کے دورہ سے بچاؤ میں مؤثرہے،محکمہ زراعت

متعلقہ عنوان :

مزید زراعت کی خبریں