پاکستان سنگل کنٹری ایگزبیشن میں شرکت کے لئے کل بدھ تک درخواستیں جمع کرائی جاسکتی ہیں،ٹی ڈی اے پی

منگل 19 مارچ 2024 12:56

اسلام آباد (اُردو پوائنٹ اخبارتازہ ترین - اے پی پی۔ 19 مارچ2024ء) ٹریڈ ڈویلپمنٹ اتھارٹی پاکستان (ٹی ڈی اے پی) نے کہا ہے کہ ازبکستان میں منعقد ہونے والی بین الاقوامی نمائش’’پاکستان سنگل کنٹری ایگزبیشن‘‘ میں شرکت کے لئےکل 20 مارچ تک درخواستیں جمع کرائی جا سکتی ہیں ۔

(جاری ہے)

ٹی ڈی اے پی کے مطابق 3 روزہ عالمی نمائش ازبکستان کے شہر تاشقند میں28سے30جون 2024تک منعقد ہو گی جس میں تولیہ ، سوتی دھاگہ، اون ، تیار ملبوسات ، سپورٹس وئیر ، ہوم ٹیکسٹائل ، پراسیسڈ فوڈ ، بیکری آئٹم ، پھلوں کا جوس ، گوشت ، دلیہ ، چاول ، پھل ، سبزیاں ، فارماسوٹیکل ، کھیلوں کا سامان ، سرجیکل آلات ، پنکھے ، سیمنٹ ، شیشہ ، کیمیکل ، پینٹس ، موبائل فونز ، پرسنل کئیرپراڈکٹس ، آٹو پارٹس ، تعمیراتی سامان ، آئی ٹی ، بینک انشورنس کمپنیاں ، ٹرانسپورٹ اور لاجسٹک سے وابستہ افراد اور ادارے اپنی مصنوعات عالمی خریداروں کے سامنے پیش کرنے کے ساتھ ساتھ اپنے کاروباری معاملات طے کرسکیں گے ۔

نمائش کے حوالے سے مزید تفصیلات اتھارٹی کی ویب سائٹ سے حاصل کی جاسکتی ہیں۔