شاہد آفریدی اپنے نام سے منسوب جعلی پیغامات سے تنگ آگئے

مجھے اگر کوئی بات کرنی یا بیان دینے کی ضرورت ہوئی تو اُس کے لیے میڈیا اور میرا ایکس (ٹویٹر) ہینڈل موجود ہے : ٹویٹر پیغام

ذیشان مہتاب جمعہ 22 مارچ 2024 16:26

شاہد آفریدی اپنے نام سے منسوب جعلی پیغامات سے تنگ آگئے

لاہور (اردو پوائنٹ تازہ ترین اخبار ۔ 22 مارچ 2024ء ) پاکستان کرکٹ ٹیم کے سابق کپتان اور اسٹار آل راؤنڈر شاہد خان آفریدی اپنے نام سے منسوب جعلی پیغامات سے تنگ آگئے جس کا اظہار انہوں نے سوشل میڈیا پر کیا ہے۔ پاکستان کرکٹ ٹیم کے سابق کپتان شاہد آفریدی کا شمار ان عالمی شہرت یافتہ کرکٹرز میں ہوتا ہے جو انٹرنیشنل کرکٹ سے ریٹائرمنٹ کے سالوں بعد بھی میڈیا کی زینت بنے رہتے ہیں اور دنیا میں آج بھی ان کے کروڑوں چاہنے والے ہیں تاہم ایک بات ایسی ہے جس سے شاہد آفریدی بہت تنگ آگئے ہیں۔

شاہد آفریدی سوشل میڈیا پر اپنے نام سے منسوب جعلی پیغامات سے تنگ آ گئے ہیں اور اس کا اظہار انہوں نے سماجی رابطوں کی ویب سائٹ ایکس (سابقہ ٹوئٹر) پر اپنے ذاتی اکاؤنٹ سے ایک جاری بیان میں کیا ہے۔

(جاری ہے)

بوم بوم آفریدی نے اپنے پیغام میں لکھا ہے کہ ’’بار بار میرے نام سے جعلی پوسٹ یا خبریں بنانے والوں سے التماس ہے کہ اپنی توانائیاں کسی مثبت کام میں لگائیں تاکہ یہ کام کسی اور کیلیے نہیں بلکہ کم سے کم اُن کے اپنے لیے تو فائدہ مند ثابت ہو۔

ان کا مزید کہنا تھا کہ مجھے اگر کوئی بات کرنی یا بیان دینے کی ضرورت ہوئی تو اُس کے لیے میڈیا اور میرا ایکس (ٹویٹر) ہینڈل موجود ہے‘‘۔