الخدمت فائونڈیشن کوئٹہ ذمہ داران کا چیمبر آف کامرس ذمہ داران سے ملاقات ،ڈونر کانفرنس کی دعوت دی

ہفتہ 23 مارچ 2024 21:20

کوئٹہ (اُردو پوائنٹ اخبارتازہ ترین - آن لائن۔ 23 مارچ2024ء) الخدمت فائونڈیشن ضلع کوئٹہ کے صدر عبدالمجید سربازی کی قیادت میں خصوصی وفد نے چیمبر آف کامرس کے دفتر جاکر چیمبر آف کامرس بلوچستان کے صدر حاجی عبداللہ خان اچکزئی ، نائب صدر سید عبدالاحدآغا،احسان اللہ ،عبدالصمد موسیٰ خیل ،عطاء ہمدرد،حاجی اشرف کاکڑسے ملاقات کی اس موقع پر الخدمت فائونڈیشن ضلع کوئٹہ کے نائب صدر سید حیات اللہ آغا،ڈائریکٹر مواخات سید اشرف آغابھی موجود تھے ۔

(جاری ہے)

ملاقات میں عبدالجید سربازی نے صدر چیمبر آف کامرس بلوچستان حاجی عبداللہ خان کو 24مارچ الخدمت کوئٹہ ڈونر کانفرنس کا دعوت نامہ ،الخدمت فائونڈیشن کوئٹہ کارکردگی رپورٹ پیش کر دیا ۔ملاقات میں کوئٹہ میں غربت بے روزگاری کم آمدنی والوں کے مسائل،الخدمت کے تعلیمی ،صحت ،صاف پانی کی فراہمی اور الخدمت کے کفالت یتامیٰ سمیت دیگر پراجیکٹس کے حوالے سے تبادلہ خیال ہوا چیمبر آف کامرس کے صدر ودیگر ساتھیوں نے الخدمت کی کارکردگی کو سراہتے ہوئے 24مارچ وکوئٹہ ڈونر کانفرنس میں ساتھیوں سمیت ڈونر کانفرنس میں شرکت کی یقین دہانی کرائی ۔