چینی صدر کی اہلیہ کا تپِ دق کی وبا کو ختم کرنے پر زور

اتوار 24 مارچ 2024 14:40

بیجنگ (اُردو پوائنٹ اخبارتازہ ترین - اے پی پی۔ 24 مارچ2024ء) تپ دق اور ایڈز کی روک تھام اور علاج کے لیے عالمی ادارہ صحت کی خیر سگالی سفیر چینی صدر شی جن پنگ کی اہلیہ پنگ لی یوان نےچین کے صوبہ حو نان کے صدر مقام چھانگ شا کے یو ہوا ضلع میں تپ دق کی روک تھام کے کام کا جائزہ لیا۔

(جاری ہے)

چینی میڈیا کے مطابق پنگ لی یوان نے پہلے یوہوا ضلع کے ہیلتھ ایجوکیشن سینٹر میں تپِ دق کی روک تھام اور کنٹرول کےمیکانزم کے بارے میں بریفنگ لی اور کمیونٹی کے رہائشیوں اور نوجوانوں میں تپ دق کی روک تھام اور کنٹرول کی آگاہی کے پھیلاؤ پر زور دیا۔

بعد ازا ں ڈونگ جنگ ذیلی ضلع کے کمیونٹی ہیلتھ سروس سینٹر میں پنگ لی یوان نے مقامی طبی کارکنوں سے نچلی سطح پر تپِ دق کے کنٹرول کے بارے میں معلومات حاصل کی۔ انہوں نے صحت یاب ہونے والے مریضوں ، ویکسین کے منتظر بچوں اور ان کے والدین کے ساتھ گفتگو کی اور تپِ دق کے خاتمےکے لیے مشترکہ کوشش کی امید ظاہر کی۔وا ضح رہے کہ 24 مارچ تپِ ٰدق کا انتیسواں عالمی دن ہے۔