متحدہ عرب امارات اور اردنی فضائیہ کا شمالی غزہ میں ایئر ڈراپ آپریشن،امدادی سامان پہنچایا گیا

بدھ 27 مارچ 2024 10:30

غزہ (اُردو پوائنٹ اخبارتازہ ترین - اے پی پی۔ 27 مارچ2024ء) اردن اور متحدہ عرب امارات(یواے ای) کی فضائیہ کی جانب سے شمالی غزہ کے متاثرین کے لیے مشترکہ امدادی ایئرڈراپ آپریشن کیا گیا ہے ۔اردو نیوز کے مطابق مشترکہ امدادی آپریشن اردن اور یواے ای کے درمیان غزہ میں فلسطینی عوام کو امداد پہنچانے کے لیے تعاون کے ضمن میں کیا گیا ۔

(جاری ہے)

ایئرڈراپ آپریشن کا مقصد شمالی غزہ اور ان علاقوں میں امداد پہنچانا ہے جہاں زمینی رسائی مشکل ہے۔

مشترکہ آپریشن میں غزہ میں 22 ٹن امدادی سامان ڈراپ کیا گیا، امدادی آپریشن کو الفارس الشہم تھری کا نام دیا گیا۔واضح رہے کہ متحدہ عرب امارات کی جانب سے قبل ازیں طیاروں، بحری جہازوں اور ٹرکوں کے ذریعے بھی امدادی سامان غزہ کے متاثرین کے لیے ارسال کیا جا چکاہے۔