پاکستانی کرکٹرزکا فٹنس کیمپ آرمی اسکول آف فزیکل ٹریننگ کاکول میں شروع

سخت ٹریننگ کا مقصد کھلاڑیوں کی جسمانی مہارت اور پھرتی میں بہتری لانا ہے، رپورٹ

بدھ 27 مارچ 2024 16:28

اسلام آباد (اُردو پوائنٹ اخبارتازہ ترین - این این آئی۔ 27 مارچ2024ء) نیوزی لینڈ کے خلاف ہوم سیریز سے قبل پاکستانی کرکٹرز کا فٹنس کیمپ آرمی اسکول آف فزیکل ٹریننگ کاکول میں شروع ہوگیا جس 29 کھلاڑی شریک ہوئے۔ذرائع کے مطابق فٹنس ٹریننگ کیمپ معمول کے پی سی بی اور آرمی ٹرینرز نے ترتیب دیا ہے۔

(جاری ہے)

کیمپ کا مقصد پاکستانی کرکٹرز کے فٹنس اور قوت برداشت کو معیاری بنانا اور مستقبل کے چیلنجز سے نمٹنے کے لیے تیار کرنا ہے۔

کیمپ میں کھلاڑیوں کو جسمانی ٹریننگ سمیت سخت ترین مشقیں کرائی جائیں گی۔سخت ٹریننگ کا مقصد کھلاڑیوں کی جسمانی مہارت اور پھرتی میں بہتری لانا ہے۔اس سے قبل کھلاڑیوں کی فٹنس میں بہتری لانے کے لیے آرمی کی زیر نگرانی 8 سال قبل 2016 میں بھی ٹریننگ کرائی گئی تھی۔پاکستان آرمی کے تعاون سے منعقدہ ٹریننگ کیمپ 8 اپریل تک جاری رہے گا۔