سعودی عرب اور آذربائیجان کے درمیان کلائمنٹ ایکشن میں تعاون پر تبادلہ خیال

جمعہ 29 مارچ 2024 09:40

جدہ (اُردو پوائنٹ اخبارتازہ ترین - اے پی پی۔ 29 مارچ2024ء) سعودی وزیر توانائی شہزادہ عبدالعزیز بن سلمان نے جدہ میں آذربائیجان کے وزیرماحولیات اور قدرتی وسائل مختار بابا ئیف سے ملاقات کی۔ایس پی اے کے مطابق دونوں وزرا نےکلائمنٹ ایکشن کے شعبے میں تعاون کے مواقع پر تبادلہ خیال کیا۔

(جاری ہے)

ماحولیاتی تبدیلی سے متعلق اقوام متحدہ کے فریم ورک کنونشن اور پیرس معاہدے کے فریم ورک اور اصولوں کے حصول کے لئے مل کر کام کرنے کے حوالے سے بھی تبادلہ خیال کیا گیا ۔موسمیاتی تبدیلی کےا ثرات سے نمنٹے کے لیے مملکت کی کوششوں اور اقدامات کا بھی جائزہ لیا گیا ۔واضح رہے کہ کوپ 29 کانفرنس رواں سال نومبر میں باکو میں ہورہی ہے۔ آذربائیجان کے وزیر ماحولیات کانفرنس کے صدر ہیں۔