سعودی عرب ،ریڈ سی انٹرنیشنل ایئرپورٹ پربین الاقوامی پروازوں کی باقاعدہ آمد 18 اپریل سے ہوگی

جمعہ 29 مارچ 2024 10:00

ریاض (اُردو پوائنٹ اخبارتازہ ترین - اے پی پی۔ 29 مارچ2024ء) سعودی عرب میں ریڈ سی انٹرنیشنل ایئرپورٹ پربین الاقوامی پروازوں کی باقاعدہ آمد 18 اپریل سے ہوگی۔ اس سلسلے تمام انتظامات مکمل کرلیے گئے ہیں ردو نیوز کے مطابق دبئی انٹرنیشنل ایئرپورٹ سے فلائی دبئی کی پروازکے ساتھ بین الاقوامی پروازوں کی آمد شروع ہوجائے گی۔ ریڈ سی ایئرپورٹ پر دبئی سے جمعرات اور اتوار کو دو پروازیں آئیں گی۔

اندرون مملکت جدہ اور ریاض سے گزشتہ سال ستمبر 2023 سے پروازیں شروع کی جاچکی کی ہیں۔

(جاری ہے)

دبئی سے آنے والی بین الاقوامی پرواز کے بعد ان کی تعداد میں اضافہ کیا جائے گا۔ ریڈ سی گروپ آف کمپنیز کے سی ای او کا کہنا ہے کہ ریڈ سی انٹرنیشنل ایئرپورٹ پرسالانہ 10 لاکھ مسافروں کی آمد ورفت کی توقع ہے۔ ایئرپورٹ پرپہلی پرواز 6 ماہ قبل آئی تھی تاہم اب بین الاقوامی پروازوں کی آمد کے ساتھ تیزی سے یہ ایئرپورٹ فضائی روٹ کے لیے بہترین تصور کیا جائے گا۔ کمپنی کے کمرشل شعبے کے سی ای او مائیکل وائٹ نے کہا کہ ریڈ سی ایئرپورٹ پرترقیاتی کام تیز رفتاری سے جاری ہے۔ توقع ہے کہ جلد ہمارا نیٹ ورک عالمی سطح پر مقبول ہو گا۔