تخفیف غربت میں چین کا کامیاب تجربہ دنیا کے لئے قابل تولید ہے، صدر ناؤرو

بیجنگ (اُردو پوائنٹ اخبارتازہ ترین - اے پی پی۔ 29 مارچ2024ء) بوآؤ ایشائی فورم میں شریک ناؤرو کے صدر ڈیوڈ ایڈیون نے ایک خصوصی انٹرویو میں غربت کے خاتمہ میں چین کی کامیابیوں کو سراہتے ہوئے کہا کہ چین کے بہت سے تجربات دوسرے ممالک اور لوگوں کے لئے قابل تقلید ہیں۔ چینی۔میڈیا کے مطابق 24 جنوری 2024ء کو چین اور ناؤرو کے درمیان سفارتی تعلقات کی بحالی کے بعد سے یہ ناؤرو کے صدر کا چین کا پہلا دورہ ہے۔

ناؤرو کے صدر ڈیوڈ ایڈیون نے کہا کہ بوآؤ فورم فار ایشیا کی سالانہ کانفرنس کا موضوع مختلف ممالک کے رہنماؤں کو عدم جارحیت، پرامن بقائے باہمی اور مشترکہ ترقی کے راستے پر چلنے کی ترغیب دیتا ہے۔ جس سے تمام ممالک مستفید ہوں گے۔ انہوں نے کہا کہ میں نے چین کی معیشت کو دہائیوں سے ترقی کی اعلی سطح برقرار رکھتے ہوئے دیکھا ہے اور ایک ملک کے لئے سالوں کی تیز رفتار اقتصادی ترقی کو برقرار رکھنا کوئی آسان کام نہیں ہے لیکن چین نے کئی دہائیوں سے نہ صرف اعلیٰ سطحی اقتصادی ترقی حاصل کی ہے بلکہ تقریبا 800 ملین افراد کو غربت سے نکالنے میں بھی کامیابی حاصل کی ہے جو حیرت انگیز ہے۔

(جاری ہے)

انہوں نے کہا کہ چین کے پاس بہت زیادہ تجربہ ہے جس سے دوسرے ممالک اور عوام خاص طور پر ترقی پذیر ممالک اپنے حالات کی روشنی میں استفادہ کر سکتے ہیں۔