انصاف ویلفئیر سوسائٹی کویت کی جانب سے عیدالوطنی کویت اور یوم پاکستان کے حوالے سے افطار ڈنر

کویت(اُردوپوائنٹ اخبارتازہ ترین۔29مارچ۔2024ء) انصاف ویلفیئر سوسائٹی کویت پی ٹی آئی کویت چیپٹر کے جانب سے یوم پاکستان 23 مارچ اور عید الوطنی کویت کے حوالے سے افطار ڈنر کا اہتمام کیا گیا، جس میں سفارتخانہ پاکستان سے سفیر محترم عزت مآب ملک محمد فاروق، کمیونٹی ویلفیئر اتاشی فرخ عامر سیال، ڈپٹی ہیڈ آف مشن فیصل مجید، آفیسر پاسپورٹ سیکشن عثمان نواز اور کویتی شخصیات میں سلطان الکندری سمیت کویت میں مقیم ممتاز شخصیات، مختلف جماعتوں کے سربراہان، کمیونٹی ممبران، انصاف ویلفئیر سوسائٹی کویت کے عہدداران و کارکنان نے شرکت کی۔

پروگرام کی صدرات صدر انصاف ویلفیئر سوسائٹی کویت پیر امجد حسین نے کی، جبکہ نظامت کے فرائض راجا بلال اور محمد فیصل نے انجام دیے۔ پروگرام کا باقاعدہ آغاز تلاوت قرآن پاک سے کیا گیا جس کے لیے قاری محمد صہیب انجم کو دعوت دی جبکہ نعت رسول مقبول صلی اللہ علیہ وآلہ وسلم کا ہدیہ عقیدت غلام سرور نقشبندی، مجاہد چشتی، اعجاز مغل نے پیش کیا۔

(جاری ہے)

جس کے بعد کویت و پاکستان کے قومی ترانہ چلائے گے اور پروگرام آگے لے کر چلتے ہوئے محمد فیصل نے یوم پاکستان کی تاریخ بتاتے ہوئے کلام پیش کیا،
تیرے حرف دعا کے مستحق ہیں
میرے جذبے وفا کے مستحق ہیں
ہمیں بھی سانس لینے دیجئے،
کہ ہم بھی تو ہوا کے مستحق ہیں