ٴوفاقی وزیر داخلہ محسن نقوی کی زیر صدارت چینی شہریوں کیلئے کئے گئے سکیورٹی انتظامات پر اہم اجلاس

ہفتہ 6 اپریل 2024 23:04

لاہور (اُردو پوائنٹ اخبارتازہ ترین - آن لائن۔ 06 اپریل2024ء) وفاقی وزیر داخلہ محسن نقوی کی زیرصدارت وزارت داخلہ میں اہم اجلاس منعقد ہوا۔ چس میں پاکستان میں غیر ملکیوں خصوصا چینی شہریوں کی سکیورٹی کے لئے کئے گئے اقدامات کا تفصیلی جائزہ لیا گیا۔

(جاری ہے)

وفاقی وزیرداخلہ محسن نقوی نے چینی شہریوں کی حفاظت کے لئے فول پروف اقدامات کی ہدایت کی اور کہا کہ غیر ملکیوں خصوصا چینی شہریوں کا تحفظ اولین ذمہ داری ہے، وفاقی وزیرداخلہ محسن نقوی نے ہدایت کی کہ غیر ملکیوں خصوصا چینی شہریوں کی حفاظت کے ایس او پیز پر عملدرآمد کو یقینی بنایا جائے، انہوں نے کہا کہ دشمن پاکستان کی ترقی اور خوشحالی نہیں چاہتا ۔

محسن نقوی نے کہا کہ شر پسند عناصر کے مذموم مقاصد کو ہر گز کامیاب نہ ہونے دیں گے، اجلاس میں غیر ملکیوں خصوصاچینی شہریوں کے تحفظ کے لئے کئے گئے انتظامات کے بارے بریفنگ دی گئی ۔وفاقی وزیرداخلہ محسن نقوی نے چینی شہریوں کی فول پروف سکیورٹی کے حوالے سے وزارت داخلہ کے افسران کو ضروری ہدایات دیں۔اجلاس میں وفاقی سیکرٹری داخلہ خرم آغا اور سینئر افسران نے شرکت کی۔