سال 2024 کا پہلے سورج گرہن کا آغاز، ایسا نظارہ اگلے 20 سال تک دوبارہ دکھائی نہیں دے گا

صرف چند امریکی ریاستوں میں مکمل سورج گرہن دیکھا جا سکے گا، باقی ممالک میں جزوی سورج گرہن ہو گا

پیر 8 اپریل 2024 22:40

سال 2024 کا پہلے سورج گرہن کا آغاز، ایسا نظارہ اگلے 20 سال تک دوبارہ دکھائی ..

میکسیکو، واشنگٹن ، ٹورنٹو (اُردو پوائنٹ اخبارتازہ ترین - آن لائن۔ 08 اپریل2024ء) سال 2024 کا پہلے سورج گرہن کا آغاز ہو گیا جو اگلے 20 سال تک دوبارہ دکھائی نہیں دے گا۔ سورج گرہن میکسیکو، امریکا اور کینیڈا میں نظر آیا، جبکہ سال کا دوسرا سورج گرہن 2 اکتوبر کو جنوبی امریکا کے کچھ حصوں میں متوقع ہے جو کہ جزوی ہوگا۔سورج گرہن کے وقت چاند سورج کے سامنے آنے کی وجہ سے زمین کے کچھ حصے میں اندھیرا چھا جاتا ہے۔

مکمل سورج گرہن چونکہ 8 اور 9 اپریل کے درمیان ہوا اس لیے پاکستان میں رات ہونے کے سبب اس کا مشاہدہ نہیں کیا جاسکے گا، البتہ مغربی یورپ، جنوبی امریکا، اٹلانٹک سمیت دیگرمقاما ت پرسورج گرہن دکھائی دے گا۔لائیو سائنس کے مطابق رواں سال سورج گرہن کا آغاز میکسیکو سے ہوا جہاں سے شمال مشرقی سمت میں امریکا کی جانب سے سفر کرتا ہوا کینیڈا کے مشرقی صوبوں میں اختتام پذیر ہوگیا۔

(جاری ہے)

امریکا کی 15 ریاستوں میں مکمل سورج گرہن (یعنی چاند 100 فیصد سورج کے سامنے آجائے گا) کا مشاہدہ 4 منٹ اور 28 سیکنڈز تک دیکھا گیا۔میڈیا رپورٹس کے مطابق محکمہ موسمیات کا کہنا ہے کہ سورج گرہن کا آغاز پاکستانی وقت کے مطابق رات 8 بجکر 42 منٹ پر ہوا، 11 بجکر 17 منٹ پرسورج گرہن عروج پر تھا، سورج گرہن کا اختتام رات ایک بجکر 52 منٹ پر تھا۔دنیا میں ا?خری بار مکمل سورج گرہن دسمبر 2021 میں ہوا تھا مگر اس کا مشاہدہ صرف انٹارکٹیکا میں ہوا تھا۔

واضح رہے کہ شمالی امریکا میں مقیم لاکھوں لوگ اس مکمل سورج گرہن کا نظارہ کرنے کے لیے ا?سمان کی جانب نظریں مرکوز کیے نظر ا?ئیں گے، یہ میکسیکو میں شروع ہونے والے ایک فلکیاتی راستے کے قریب نظر ا?نے کے بعد امریکا کو عبور کرتا ہوا کینیڈا میں ظاہر ہوگا۔