اسرائیلی پولیس نے بیت المقدس میں چاقو حملے کے الزام میں فلسطینی کو قتل کر دیا

ہفتہ 5 ستمبر 2026 11:55

تل ابیب (اُردو پوائنٹ اخبارتازہ ترین - این این آئی۔ 05 ستمبر2026ء) اسرائیلی پولیس نے اعلان کیا کہ اس نے یہودیوں کے سالانہ بڑے تہواروں کی آمد سے چند روز قبل وسطی یروشلم میں چاقو سے حملے کی کوشش کرنے والے ایک فلسطینی کو گولی مار کر ہلاک کر دیا۔

(جاری ہے)

پولیس نے ایک بیان میں کہا کہ رات تقریباً 12:45پر پرانے شہر کی طرف جانے والے باب العامود روڈ کے قریب سکیورٹی فورسز نے ایک ایسے دہشت گرد کو ناکارہ بنا دیا جس نے ان پر چاقو سے حملہ کرنے کی کوشش کی تھی۔ اسے جائے وقوعہ پر ہی موت کی نیند سلا دیا گیا۔ پولیس کا کہنا تھا کہ یہ 33 سالہ شخص تھا اور یروشلم کا رہائشی تھا۔