ٹ*عیدالفطر اخوت، اعتدال و رواداری کا درس دیتی ہے :ڈاکٹر طاہرالقادری

ضعید کی خوشیوں میں غریب رشتہ داروں، ہمسایوں اور ضرورت مندوں کا خیال رکھیں قاللہ رب العزت پاکستان اور اُمت مسلمہ کی حفاظت و مدد فرمائے، عیدالفطر پر پیغام

منگل 9 اپریل 2024 21:20

ٴلاہور (اُردو پوائنٹ اخبارتازہ ترین - آن لائن۔ 09 اپریل2024ء) تحریک منہاج القرآن کے بانی و سرپرست شیخ الاسلام ڈاکٹر محمد طاہرالقادری نے پاکستان سمیت پوری اُمت مسلمہ کو عیدالفطر کی مبارکباد دیتے ہوئے کہا ہے کہ عیدالفطر اخوت، اعتدال و رواداری کا درس دیتی ہے،عید کی خوشیوں میں غریب رشتہ داروں، ہمسایوں اور ضرورت مندوں کا خیال رکھیں ،اللہ رب العزت پاکستان اور اُمت مسلمہ کی حفاظت و مدد فرمائے۔

(جاری ہے)

اللہ رب العزت سے دعا ہے کہ وہ رمضان المبارک میں کی گئی عبادت اور روزوں کو قبول فرمائے اور اس کا اجر عظیم عطا کرے۔ منہاج القرآن انٹرنیشنل کی سپریم کونسل کے چیئرمین ڈاکٹر حسن محی الدین قادری، صدر منہاج القرآن انٹرنیشنل پروفیسر ڈاکٹر حسین محی الدین قادری نے عیدالفطر پر اسلامیان پاکستان اور اُمت مسلمہ کو مبارکباد دی ہے اور دعا کی ہے کہ اللہ رب العزت اُمت کو اتحاد ویکجہتی کی لڑی میں پروئے۔