لاہور پولیس کے گرجا گھروں، پارکوں اور تفریحی مقامات کی سکیورٹی کیلئے فول پروف انتظامات

حساس گرجا گھروں پر پولیس کی اضافی نفری اور سنائپرز تعینات کئے گئے تھے ‘ سی سی پی او بلال صدیق

اتوار 14 اپریل 2024 16:45

لاہور(اُردو پوائنٹ اخبارتازہ ترین - این این آئی۔ 14 اپریل2024ء) لاہور پولیس کی جانب سے شہر کے گرجا گھروں، پارکوں اور تفریحی مقامات کی سکیورٹی کے فول پروف انتظامات کئے گئے۔ اس حوالے سے لاہور پولیس کی ٹیموں نے ہائی الرٹ ہو کرشہر کی سکیورٹی فرائض انجام دیئے۔یہ بات کیپٹل سٹی پولیس آفیسر لاہور بلال صدیق کمیانہ نے اپنے بیان میں کہی۔ انہوں نے کہا کہ لاہور پولیس نے اتوار کے روز گرجا گھروں میں دعائیہ تقریبات، پارکوں اور تفریحی مقامات کی فول پروف سکیورٹی یقینی بنائی۔

سی سی پی او لاہور نے بتایا کہ صوبائی دارالحکومت کی مسیحی عبادت گاہوں، پارکوں واہم مقامات کے گرد سرچ اینڈ سویپ آپریشنز جاری رہے۔انہوں نے کہا کہ سپروائزری افسران گرجا گھروں اور تفریحی مقامات کے سکیورٹی انتظامات کی خود مانیٹرنگ کرتے رہے۔

(جاری ہے)

بلال صدیق کمیانہ نے بتایا کہ حساس گرجا گھروں پر پولیس کی اضافی نفری اور سنائپرز تعینات کئے گئے تھے جبکہ ڈولفن سکواڈ، پولیس ریسپانس یونٹ اور ایلیٹ فورس کی ٹیمیں گرجا گھروں اور پارکوں کے گرد موثر پٹرولنگ کرتی رہیں۔

اس کے ساتھ ساتھ ٹریفک پولیس لاہورکی جانب سے گرجا گھروں اور تفریح گاہوں کے اطراف ٹریفک کی روانی کو یقینی بنایا گیا۔بلال صدیق کمیانہ نے کہا کہ لاہو پولیس کی جانب سے شہر کی داخلی و خارجی چیک پوسٹوں پر آنے جانے والے افراد اور گاڑیوں کی سخت چیکنگ کی گئی اور سکیورٹی ڈیوٹی پر تعینات پولیس افسران اور جوان انتہائی الرٹ رہ کر ڈیوٹی انجام دیتے رہے۔