نیوزی لینڈ،مینڈھے کی ٹکر سے معمر میاں بیوی ہلاک

پولیس نے مینڈھے کو قابو کرنے کی کوشش کی تاہم خطرے کو بھانپتے ہوئے اسے گولی مار کر ہلاک کردیا

جمعہ 19 اپریل 2024 13:26

آکلینڈ(اُردو پوائنٹ اخبارتازہ ترین - این این آئی۔ 19 اپریل2024ء) نیوزی لینڈ میں مینڈھے نے معمر میاں بیوی کو ٹکر مار کر ہلاک کردیا۔مقامی میڈیاکے مطابق یہ جوڑا دیہی ویسٹ آکلینڈ میں اپنے گھر سے جڑے ایک اصطبل میں مردہ پایا گیا۔ہلاک ہونے والے دونوں افراد کی عمریں 80 سال سے زائد تھیں۔

(جاری ہے)

پولیس کا کہنا تھا کہ دونوں میاں بیوی اپنے بیٹے ساتھ رہتے تھے جب کافی دیر تک بیٹے نے انکی آواز نہیں سنی تو وہ انکو ڈھونڈتا ہوا اصطبل پہنچا جہاں وہ مردہ حالت میں تھے۔واقعے کی اطلاع پر پولیس جائے وقوعہ پر پہنچی تو مینڈھا بھی وہیں موجود تھا۔پولیس نے مینڈھے کو قابو کرنے کی کوشش کی تاہم خطرے کو بھانپتے ہوئے اسے گولی مار کر ہلاک کردیا۔