شاہ محمود قریشی کے بیٹے ایم این اے زین قریشی کی کیسوں کی تفصیلات فراہمی کیس

جمعہ 19 اپریل 2024 20:35

اسلام آباد(اُردو پوائنٹ اخبارتازہ ترین - آن لائن۔ 19 اپریل2024ء) شاہ محمود قریشی کے بیٹے ایم این اے زین قریشی کی کیسوں کی تفصیلات فراہمی کیس میں اسلام آباد ہائی کورٹ نے سیکرٹری داخلہ سمیت تمام فریقین کو نوٹس جاری کرتے ہوئے دو ہفتوں میں رپورٹ طلب کر لی۔

(جاری ہے)

شاہ محمود قریشی کے بیٹے ایم این اے زین قریشی کی کیسوں کی تفصیلات فراہمی کیس کی سماعت اسلام آباد ہائیکورٹ کے جسٹس ارباب محمد طاہر نے کی دوران سماعت چیف کمشنر اسلام آباد ،آئی جی اسلام آباد ، چاروں صوبوں کے آئی جیز اور ایف آئی اے سے بھی رپورٹ طلب کر لی گئی عدالت نے زین قریشی کی درخواست پر رجسٹرار آفس کے اعتراضات دور کردیے عدالت نے استفسار کیا کہ آپکی درخواست پر اعتراض ہے کہ دوسرے صوبوں سے یہ ہائیکورٹ کیسے رپورٹ مانگ سکتی ہے،عدالت نے ریمارکس دیے ہم یہاں سے باقی صوبوں کو ہدایات کیسے دیں وکیل علی بخاری نے عدالت نے دلائل دیے کہ اسی ہائیکورٹ سے عمر ایوب کیس میں سارے صوبوں سے رپورٹ منگوائی گئی تھی،عدالت نے استفسار کیا عمر ایوب کیس کی کس بینچ نے سماعت کی تھی ،وکیل نے کہا عمر ایوب کیس میں چیف جسٹس نے سماعت کی تھی،عدالت نے ریمارکس دیے آپ اٴْس آرڈر کاپی جمع کروادیں ، ہم نوٹس کر رہے ہیں ،تفصیلات مانگ لیتے ہیں آپکے علم میں ہے دوسرے صوبوں میں کوئی مقدمہ درج ہے،عدالت کی زین قریشی کے خلاف درج مقدمات کی تفصیلات کی رپورٹ طلب ، سماعت دو ہفتوں تک ملتوی کر دی۔