سکھر پولیس کی مختلف علاقوں میں کارروائیاں ،ملزمان گرفتار ،شراب کی بوتلیں برآمد

جمعہ 19 اپریل 2024 22:42

سکھر(اُردو پوائنٹ اخبارتازہ ترین - این این آئی۔ 19 اپریل2024ء) ترجمان سکھر پولیس نے کہا ہے کہ ایس ایس پی سکھر عابد علی بلوچ کی ہدایت پر سکھر پولیس کا سماجی برائیوں میں ملوث افراد کے خلاف کریک ڈاؤن جاری ہے گذشتہ روز ایس ایچ او تھانہ روھڑی نے مخفی اطلاع پر حدود میں بڑی کاروائی کے دوران شراب کی بڑی کھیپ کی فروخت کو ناکام بنادیا۔

(جاری ہے)

ترجمان کے مطابق ایس ایچ او تھانہ روھڑی کا بیری چوک کے قریب مغفی اطلاع پر کارروائی کرتے ہوئے شراب کی بھاری تعداد میں بوتلیں سمیت ملزم عبدالحمید کو گرفتار کرلیا گیا۔

ملزم کی کار کرولا نمبر BEV-143 کو روک کر تلاشی کے دوران 20 کارٹون (480) بوتلیں شراب برآمد کر کہ مقدمہ درج کر لیا گیا دوسر ی جانب ایس ایس پی سکھر عابد علی بلوچ نے پولیس پارٹی کو بہتر کاروائی پر شاباشی کا پیغام دیا ہے ۔