ہمیں کوئی پرواہ نہیں تانگہ پارٹی کب جلسہ کرتی کہاں کرتی اور ان کے جلسے میں کتنے لوگ آتے ہیں ‘ عظمی بخاری

وزیراعلی مریم نواز سے متعلق من گھڑت ،بے بنیاد خبر نشر کی گئی،چینل کے خلاف ایکشن لیا جائے گا‘ وزیر اطلاعات پنجاب کا ردعمل

ہفتہ 20 اپریل 2024 23:09

ہمیں کوئی پرواہ نہیں تانگہ پارٹی کب جلسہ کرتی کہاں کرتی اور ان کے جلسے ..

لاہور (اُردو پوائنٹ اخبارتازہ ترین - این این آئی۔ 20 اپریل2024ء) صوبائی وزیر اطلاعات و ثقافت عظمی بخاری نے کہا ہے کہ نجی نیوز چینل پر وزیراعلی پنجاب مریم نواز سے متعلق من گھڑت اور بے بنیاد خبر نشر کی گئی ہے، خبر نشر کرنے سے قبل وزیراعلی آفس، ترجمان پنجاب حکومت، یا سپیکر پنجاب اسمبلی کا موقف ہی نہیں لیا گیا۔

(جاری ہے)

انہوں نے کہا کہ ہمیں کوئی پرواہ نہیں تانگہ پارٹی کب جلسہ کرتی کہاں کرتی اور ان کے جلسے میں کتنے لوگ آتے ہیں۔

ایسی من گھڑت خبر چلانے والے چینل کے خلاف ایکشن لیا جائے گا۔وزیراعلی پنجاب سے منسوب کر کے جھوٹی خبر چلانا صحافتی بددیانتی کے مترادف ہے۔میڈیا پلیٹ فارم کو کسی جماعت کے پروپگنڈہ سیل کے طور پر استعمال کرنا شرمناک ہے۔وزیراعلی پنجاب سے متعلق من گھڑت خبر نشر کرنے والا نیوز چینل معافی مانگے ورنہ لیگل ایکشن لیا جائے گا۔