Live Updates

چند دنوں میں پنجاب کے عوام کو ریلیف،ریلیف اور صرف ریلیف دیا‘ مریم نواز شریف

نواز شریف کی قیادت میں مسلم لیگ(ن)عوامی مسائل کے حل کے لیے کوشاں ہے‘ وزیر اعلیٰ پنجاب

اتوار 21 اپریل 2024 15:05

چند دنوں میں پنجاب کے عوام کو ریلیف،ریلیف اور صرف ریلیف دیا‘ مریم نواز ..
لاہور(اُردو پوائنٹ اخبارتازہ ترین - این این آئی۔ 21 اپریل2024ء) وزیر اعلیٰ پنجاب مریم نواز شریف نے کہا ہے کہ ضمنی انتخابات میں مسلم لیگ (ن) کا ووٹر زباہرنکلاجو خوش آئند بات ہے،چند دنوں میں پنجاب کے عوام کو ریلیف،ریلیف اور صرف ریلیف دیا۔

(جاری ہے)

اپنے بیان میںانہوںنے کہا کہ پنجاب کا مزدور،کسان،محنت کش،طلبہ اور خواتین میری ترجیحات میں سرفہرست ہیں،رمضان نگہبان پیکج،20 ہزار بائیکس،سستا آٹا اور سستی روٹی ہماری چند دنوں کی کارکردگی کا منہ بولتا ثبوت ہے،130 ارب کا کسان پیکج نوازشریف کے زراعت دوست ویژن کی عکاسی کرتا ہے،عام آدمی کے لیے آسانیاں پیدا کرنے کے لیے میں اور میری ٹیم ہمہ وقت کوشاں ہیں۔

ا نہوں نے کہا کہ جلد پنجاب میں لیب ٹاپ،آئی پیڈ سکیم بھی متعارف کروانے جارہے ہیں۔انہوں نے کہا کہ مسلم لیگ(ن)کے تمام امیدوار انشااللہ واضح اکثریت سے کامیاب ہوں گے، میرا مشن آپ کے اور میرے قائد میاں نواز شریف کے ویژن کو آگے بڑھانا ہے، نواز شریف کی قیادت میں مسلم لیگ(ن)عوامی مسائل کے حل کے لیے پوری ایمانداری سے کوشاں ہے۔
Live مریم نواز سے متعلق تازہ ترین معلومات