نئے آئی جی اسلام آباد پولیس نے چارج سنبھال لیا

میرے سمیت تمام پولیس افسران شہر کی سڑکوں پر نظر آئیں گے،سید علی ناصر رضوی

پیر 22 اپریل 2024 22:29

اسلام آباد(اُردو پوائنٹ اخبارتازہ ترین - آن لائن۔ 22 اپریل2024ء) سید علی ناصر رضوی نے آئی جی اسلام آباد کے عہدے کا چارج سنبھال لیا۔ آئی جی اسلام آباد نے چارج سنبھالنے سے پہلے یادگار شہدا پر حاضری دی اور فاتحہ خوانی کی،آئی جی اسلام آباد کو پولیس کے چاق و چوبند دستے نے سلامی دی،آئی جی اسلام آباد سید علی ناصر رضوی نے صحافیوں سے گفتگو کرتے ہوئے کہا ہے کہ میرے سمیت تمام پولیس افسران شہر کی سڑکوں پر نظر آئیں گے ،پبلک پالیسنگ بہتریں بنائیں گے عام عوام کو آئی جی تک ڈائریکٹ پہنچ دیں گے ،تمام پولیس افسران تھانوں کے سرپرائز وزٹ کو یقینی بنائیں گے ،جرائم پیشہ عناصر کو ہر صورت قابو کریں گے شہریوں کے لیے پرسکون ماحول بنائیں گے۔

ان کا کہنا تھا کہ شہریوں کے جان و مال کے تحفظ کے لئے سرگرم رہیں گے اور بالکل سمجھوتہ نہیں ہو گا ،وفاقی شہر میں امن و امان کی صورتحال کو یقینی بنائیں گے۔

(جاری ہے)

یاد رہے کہ سید علی ناصر رضوی اس سے پہلے ڈی آئی جی آپریشنز لاہور تعینات تھے،سید علی ناصر رضوی کا تعلق پاکستان پولیس سروس کے 31 کامن سے ہے۔ سید علی ناصر رضوی نے بطور اے ایس پی، ایس پی، ایس ایس پی، سی پی او، ڈی آئی جی پنجاب کے 9 اضلاع میں خدمات سرانجام دیں۔سید علی ناصر رضوی نے بلوچستان کے مختلف اضلاع میں بھی خدمات سرانجام دیں۔سید علی ناصر رضوی کا شمار انتہائی پروفیشنل، تجربہ کار اور کرائم فائٹر افسران میں ہوتا ہی