سردار اویس احمد خان لغاری سے پاکستان بزنس کونسل کے وفد کی ملاقات،صنعتی شعبوں کو درپیش چیلنجز پر تبادلہ خیال

منگل 23 اپریل 2024 16:27

اسلام آباد (اُردو پوائنٹ اخبارتازہ ترین - این این آئی۔ 23 اپریل2024ء) وفاقی وزیر برائے توانائی سردار اویس احمد خان لغاری سیپاکستان بزنس کونسل کے وفد نے ملاقات کی۔ منگل کو پاور ڈویژن سے جاری بیان کے مطابق ملاقات میں پاکستان کے صنعتی شعبوں کو درپیش چیلنجز پر تبادلہ خیال کیاگیا۔

(جاری ہے)

وفد نے صنعتوں پر اثرانداز ہونے والے اہم مسائل پر روشنی ڈالی اورپاور سیکٹر کو بہتر بنانے کے لیے سفارشات پیش کیں۔

یہ اصلاحات پاکستان میں صنعتی ترقی کے لیے سازگار ماحول کو فروغ دیں گی۔ اس موقع پر سردار اویس لغاری نے کہا کہ پاکستان بزنس کونسل کی تمام پیش کردہ سفارشات پاور سیکٹر کے جاری اصلاحاتی ایجنڈے میں شامل ہیں۔ پاور سیکٹراصلاحات پر وزیراعظم سے منظوری کے بعد واضح ٹائم لائن کے ساتھ عمل درآمد ہوگا۔