سیکورٹی فورسز کا دہشت گردوں کی موجودگی کی اطلاع پر بلوچستان کے ضلع پشین میں انٹیلی جنس بیسڈ آپریشن

kشدید فائرنگ کے تبادلے کے بعد تین دہشت گردوں مارے گئے، i ایک دہشت گرد زخمی حالت میں گرفتار ،آئی ایس پی آر

منگل 23 اپریل 2024 22:00

راولپنڈی(اُردو پوائنٹ اخبارتازہ ترین - آن لائن۔ 23 اپریل2024ء) سیکورٹی فورسز کا دہشت گردوں کی موجودگی کی اطلاع پر بلوچستان کے ضلع پشین میں انٹیلی جنس بیسڈ آپریشن، شدید فائرنگ کے تبادلے کے بعد تین دہشت گردوں مارے گئے، ایک دہشت گرد زخمی حالت میں گرفتار ، شناخت افغان شہری کے طور پر ہوئی۔

(جاری ہے)

آئی ایس پی آر کے مطابق سیکورٹی فورسز نے دہشت گردوں کی موجودگی کی اطلاع پر بلوچستان کے ضلع پشین میں انٹیلی جنس بیسڈ آپریشن کیا، آپریشن کے دوران شدید فائرنگ کے تبادلے کے بعد تین دہشت گردوں مارے گئے، جب کہ ایک دہشت گرد کو زخمی حالت میں گرفتار کر لیا گیا، جس کی شناخت افغان شہری کے طور پر ہوئی ہے، آپریشن کے دوران بھاری مقدار میں اسلحہ، گولیاں اور دھماکہ خیز مواد بھی برآمد کیا گیا، سیکیورٹی فورسز قوم کے ساتھ مل کر بلوچستان کے امن، استحکام اور ترقی کو سبوتاڑ کرنے کی کوششوں کو ناکام بنانے کے لئے پرعزم ہیں۔