فواد چوہدری کیخلاف مقدمات،سیکرٹری داخلہ کو توہین عدالت کی درخواست پر نوٹس

بدھ 24 اپریل 2024 20:50

اسلام آباد(اُردو پوائنٹ اخبارتازہ ترین - آن لائن۔ 24 اپریل2024ء) فواد چوہدری کے خلاف مقدمات کی درست فہرست پیش نہ کرنے معاملہ، پراسلام آباد ہائیکورٹ نے سیکرٹری داخلہ سمیت دیگر فریقین کو توہین عدالت کی درخواست پر نوٹس جاری کر دئیے ہیں اور ان سے جواب طلب کرلیاہے۔بدھ کوچیف جسٹس عامر فاروق نے کیس کی سماعت کی۔

(جاری ہے)

اس دوران فواد چوہدری کی اھلیہ حباء فواد نے اور انکے وکیل قیصر امام پیش ہوئے اور وکیل نے موقف اختیار کیاکہ سیکرٹری داخلہ نے اسلام آباد ہائیکورٹ میں فواد چوہدری کے خلاف چھبیس مقدمات کی فہرست پیش کی، لیکن لاہور ہائیکورٹ میں پنجاب پولیس نے دس مقدمے مزید ڈال دئیے جو اسلام آباد ہائیکورٹ میں ظاہر نہیں کئے گئے،اس اقدام سے اسلام آباد ہائیکورٹ کے ساتھ فراڈ کیا گیا۔

اس پر ابتدائی دلائل کے بعد اسلام آباد ہائیکورٹ نے سیکرٹری داخلہ اور دیگر کو نوٹسز جاری کر دئیے ہیں اور کہاہے کہ کیس کی سماعت ملتوی کی جاتی ہے ، آئیندہ سماعت کی تاریخ بعد میں جاری کیاجائیگی۔